रत्नागिरी ग्रामीण पोलीसांमार्फत “ गयाळवाडी येथील चोरी” च्या गुन्ह्यामध्ये 2 जणांना अटक.
रत्नागिरी- दिनांक १४/०१/२०२५ रोजी गयाळवाडी, रत्नागिरी येथील एका मोबाईल दुरुस्ती च्या दुकानात चोरीची घटना झाली होती. या चोरीच्या गुन्ह्यामध्ये आरोपींनी मोबाईल दुरुस्ती शॉपीचा पत्रा उचकटून आत प्रवेश करून शॉपी मधील लेनेवो लॅपटॉप व दुरूस्तीला आलेले विविध मोबाइल तसेच इतर चीज वस्तु असे मिळून ₹ ३४०००/- किमतीचा मुद्देमाल चोरून नेला होता.या अनुषंगाने रत्नागिरी ग्रामीण पोलीस ठाणे येथे दिनांक १५/०१/२०२५ रोजी गुन्हा रजिस्टर नंबर 13/2025 अन्वये गुन्हा दाखल करण्यात आला होता.
पोलीस अधीक्षक रत्नागिरी, श्री. धनंजय कुलकर्णी, अपर पोलीस अधीक्षक श्रीमती जयश्री गायकवाड यांच्या मार्गदर्शनाखाली रत्नागिरी ग्रामीण पोलीस ठाणे प्रभारी अधिकारी श्री. राजेंद्र यादव व पथकाने हा गुन्हा २४ तासांच्या आत उघडकीस आणून गुन्ह्यातील दोन्ही आरोपी 1) शादाब मोहम्मद रेहमूद्दीन मुस्तकीम. वय 27 वर्ष, रा. हाऊस नं. 1817, अक्षा मस्जिद, मुस्तफाबाद, लोणी देहात पोस्ट लोणी, जिल्हा गझियाबाद, उत्तर प्रदेश व 2) झुबेर लियाकत अली वय. 22 वर्ष, रा. वार्ड नं. 15,गल्ली नं. 3, उदगाह मोहल्ला, तालुका बडोत, जिल्हा बागपथ, उत्तर प्रदेश यांना मडगाव रेल्वे स्टेशन राज्य गोवा येथून रेल्वे पोलीस दलाच्या मदतीने ताब्यात घेण्यात आले तसेच चोरीस गेलेल्या सर्व मुद्देमाल हस्तगत करण्यात यश आलेले आहे.
या कारवाई मध्ये खालील नमूद पोलीस पथकाने कामगिरी केलेली आहे. पोलीस निरीक्षक श्री. राजेंद्र यादव, रत्नागिरी ग्रामीण पोलीस ठाणेपो.उनि. श्री. अभय तेली, सपफौ/959 श्री. विनोद भितळे, पोहवा/288 श्री. विनायक राजवैद्य व पोकॉ/1475 श्री. राजेंद्र वळवी.
