मुंबई-गोवा महामार्गावर अपघातांची मालिका सुरूच 

चिपळूण ः मुंबई-गोवा महामार्गावर कळंबस्ते फाटा येथे लक्झरी बस व दुचाकीच्या अपघाताची घटना घडली. यामध्ये वावे येथील दोघांना गंभीर दुखापत झाली आहे.
नागेश जयराम उतेकर (४०), विलास विजय उतेकर (४५, दोघेही रा. वावे, गणेशनगर, खेड) अशी जखमींची नावे आहेत. मुंबईहून गोव्याकडे जाणार्‍या लक्झरी बसला धडक बसली. यामध्ये दुचाकीस्वार नागेश व मागे बसलेल्या विलास उतेकर यांच्या पायाला दुखापत झाली आहे. याप्रकरणी गुन्हा दाखल करण्यात आला असून अधिक पोलीस तपास सुरू आहे.