मोदींच्या शपथविधी रत्नागिरीत भाजपतर्फे एलईडी स्क्रीनवर सोहळा
लोकसभेत भाजप आणि घटक पक्षांना मिळालेल्या घवघवीत यशानंतर आता साऱयांच्या नजरा पंतप्रधान मोदींच्या शपथविधी कडे लागल्या होत्या पंतप्रधान मोदी हे दुसऱ्यांदा पंतप्रधानपदाची शपथ घेत आहेत राष्ट्रपती भवनाच्या आवारात होणारा हा सोहळा रत्नागिरीकरांना पाहता यावा यासाठी भारतीय जनता पक्ष रत्नागिरीच्यावतीने आज शिवरायांच्या पुतळ्यासमोर मारुती मंदिर येथे भव्य स्क्रीन उभी केली होती हा सोहळा रत्नागिरीकरांना पाहता यावा यासाठी दिल्लीहून होणारे थेट प्रक्षेपण या ठिकाणी भव्य स्क्रीनवर दाखवण्यात येत होते. हा सोहळा पाहण्यासाठी नागरिकांनी मोठी गर्दी केली होती देशाचे पंतप्रधान नरेंद्र मोदी झाल्याबद्दल व देशात भाजपचे सरकार आल्याबद्दल भाजप कार्यकर्त्यांच्या वतीने लाडू वाटून आनंद व्यक्त करण्यात आले. भाजपचे मित्रपक्ष असलेल्या शिवसेनेचे आमदार उदय सामंत, बंड्या साळवी , भाजप चे दिपक पटवर्धन ,सतीश शेवडे ,उमेश कुलकर्णी तसेच युतीचे नगरसेवक व पदाधिकारी हे यावेळी उपस्थित होते. जोरदार फटाक्यांची आतषबाजी ढोल ताशांच्या गजरात युतीचे कार्यकर्ते आनंद साजरा करत होते
