मुंबई गोवा महामार्गावर पेणजवळ ईर्टिगा गाडी जळून खाक प्रवासी बचावला
रायगड : मुबंई गोवा महामार्गावर ईर्टिगा गाडी जळुन खाक झाल्याची घटना समोर येत आहे. सुदैवाने यात कोणतीही जिवीत हानी नाही. कोकणातुन मुबंईकडे जाणाऱ्या ईर्टिगा कारला अचानक आग लागली. पेण जवळील हमरापुर येथील पुलावर पहाटे 4 वाजण्याच्या सुमारास ही आग लागली. आगीचे कारण मात्र समजु शकले नाही. गाडीला आग लागल्याचे वृत्त कळताच पुढच्या काही वेळातच अग्नी शमन दलाची गाडी घटनास्थळी दाखल झाली. त्यामुळे आग वेळीच आटोक्यात आली. गाडीतील एकमेव प्रवासी शंकर जाधव हे थोडक्यात बचावले आहेत.
