राष्ट्रवादीच्या महिला जिल्हाध्यक्ष चित्रा चव्हाण चिपळूण मतदारसंघातून इच्छुक
चिपळूण ः आगामी विधानसभा निवडणुकीच्या पार्श्‍वभूमीवर मुंबई पोर्ट येथील राष्ट्रवादी भवन येथे पक्षश्रेष्ठींच्या उपस्थितीत झालेल्या महत्वपूर्ण बैठकीत चिपळूण-संगमेश्‍वर मतदार संघातून राष्ट्रवादीच्या जिल्हा महिलाध्यक्षा सौ. चित्रा चव्हाण, रत्नागिरीमधून तालुकाध्यक्ष सुदेश मयेकर यांचे नाव इच्छूक म्हणून पुढे झाले आहे. दरम्यान या बैठकीला गुहागरचे आमदार भास्कर जाधव व तालुक्यातील महत्वाचे पदाधिकारीही अनुपस्थित होते.
राष्ट्रवादीचे सर्वेसर्वा शरद पवार, प्रदेशाध्यक्ष जयंत पाटील व माजी पाटबंधारे मंत्री अजित पवार यांच्या प्रमुख उपस्थितीत रत्नागिरी जिल्हा पदाधिकार्‍यांची बैठक आयोजित करण्यात आली होती. या बैठकीत आगामी विधानसभा निवडणुकीच्या पार्श्‍वभूमीवर आढावा घेण्यात आला. यावेळी काही पदाधिकार्‍यांनी आपली उमेदवारीसाठी इच्छा व्यक्त केली आहे.
www.konkantoday.com
