आंजणारी पुलाजवळ ट्रक उलटून तिघे जखमी
लांजा ः दहीवलीहून गोव्याकडे कुटुंबियांच्या गाडीवर ट्रक पलटी होवून ट्रकमध्ये भरलेले सिमेंटचे ब्लॉक उडाल्याने तीनजण किरकोळ जखमी झाल्याची घटना आंजणारी पुलाजवळ घडली आहे.
याबाबत पोलिसांनी दिलेल्या माहितीनुसार सचिन सुभाष मोरे (४३, रा. कांदीवली पूर्व मुंबई) हे आपल्या गावी दहिवली चिपळूण येथे आले होते. सुट्टी असल्याने ते आपल्या पत्नी, मुलगी, सासू, सासरे यांना घेवून गोवा फिरण्यासाठी जात होते. दहली येथून टोयॉटो अल्टीस गाडी घेवून निघाले. आंजणारी पुलाजवळ दु. २.१० वा. आले असता मुंबईहून गोव्याच्या दिशेने सिमेंटचे ब्लॉक घेवून जाणारा ट्रक आंजणारी पुलाजवळ आला असता पलटी झाला. ट्रकमध्ये भरलेले सिमेंटचे ब्लॉक गाडीच्या मागील भागावर उडाले.
गाडीमध्ये मागील सीटवर बसलेल्या त्यांच्या सासू सुरेखा सुरेश पालांडे जखमी झाल्या तर सासरे सुरेश बळवंत पालांडे, मुलगी उर्वी हे किरकोळ जखमी झाले. तसेच ट्रक चालक देखील जखमी झाला आहे.
