जैतापूर नळपाणी योजना होणार पुनर्जिवीत
जैतापूर ः बर्‍याच वर्षाच्या प्रतिक्षेनंतर व जैतापूरसाठी मोठ्या खर्चाची नवीन नळपाणी योजना मंजूर आहे. या योजनेच्या कामाचे मोठ्या प्रमाणावर सामानसुमान जैतापुरात आणण्यात आले आहे. त्यामुळे सर्व जैतापूरवासियांत आनंद आणि समाधान व्यक्त केले जात आहे.
तत्कालीन ग्रामपंचायतीच्या सदस्यांच्या संकल्पनेतून राबवण्यात आलेली जैतापूरची नळपाणी योजना पूर्णतः मोडकळीस आली होती. या योजनेला लागणारे पाणी निवेली येथून उपसून ते जैतापूरातील वरील आगरवाडी ते अनंतवाडी भागापर्यंतच्या रहिवाशांना पुरविण्यात येणार होते. परंतु ही योजना काहीकाळ स्टँड ते पोस्टद्वारे चांगली चालली. पुढे पुढे ग्रामस्थांच्या अपेक्षा वाढून घराघरात नळ घेण्याची संकल्पना राबविण्यात आली. पुढे ही योजना थकबाकीमुळे कोलमडली.
