भाजीपाल्याची आवक घटली, महागाई तेजीत

उन्हाळ्यात सर्वसामान्य ग्राहकांना भाजीपाला खरेदी करण्यासाठी आर्थिक झळ सहन करावी लागत आहे. सर्व भाजीपाला घाटमाथ्यावरून येत असल्याने पुरवठा कमी पण मागणी जास्त असल्याने भाजीपाल्याचे दर गगनाला गेले आहेत. वांगी, दोडके, कोबी, कारली, काकडी, गवार, भेंडी, भोपळी मिरची आदी भाज्यांना पावकिलोसाठी १५ ते २० रुपये मोजावे लागत आहेत. तर काही ठिकाणी ८० रुपयांपर्यंत प्रतिकिलो दर भाजीसाठी मोजावे लागत आहे. टोमॅटोचा दर मात्र कमी असून तो २० रु. किलो दराने विकला जात आहे.