चिपळूणच्या परशुराम घाटात चार वाहनांचा भीषण अपघात,चार जण गंभीररित्या जखमी

मुंबई- गोवा महामार्गावरील चिपळूणच्या परशुराम घाटात एसटी बस, कंटेनर, कार आणि दुचाकी या अशा चार वाहनांनी एकमेकांना भीषण धडक दिली आज रविवारी सकाळी सहा वाजण्याच्या सुमारास हा अपघात घडला आहे. हा अपघात इतका भीषण होता की एसटीचा दर्शनी बाजूचा चक्काचूर झाला आहे. या अपघातामुळे दुचाकी आणि एसटी बसमधील प्रवासी जखमी झाले असल्याची प्राथमिक माहिती मिळत आहेत. या अपघातातील जखमींना आता उपचारासाठी नजीकच्या रूग्णालयात दाखल करण्यात आले आहे. या अपघातानंतर महामार्गावर एकेरी वाहतूक सूरू आहे. दाट धुक्यामुळे सकाळी सहा वाजता हा अपघात झाल्याची माहिती आहे. या धडकेत एसटीचा अक्षरश चक्काचूर झाला आहे. तसेच एसटी आणि दुचाकीवर असलेले चार जण गंभीररित्या जखमी झाले आहेत. या अपघातानंतर महामार्ग पोलिस घटनास्थळी दाखल झाले आहेत. अपघातानंतर परशुराम घाट मार्गावर एकेरी वाहतूक सूरू ठेवण्यात आली आहे. तसेच दाट धुक्यामुळे हा अपघात घडल्याची माहिती महामार्ग पोलिसांनी दिली आहे.