टिपू सुलतानच्या फोटोवरुन आज मुंब्र्यामध्ये वाद

टिपू सुलतानच्या फोटोवरुन आज मुंब्र्यामध्ये वाद झाला.15 ऑगस्ट स्वातंत्र्य दिनानिमित्त सोशल डेमोक्रेटिक पार्टी ऑफ इंडिया या खाजगी संघटनेच्या वतीने मुंब्र्यात तिरंगा रॅली काढण्यात आली होती. या रॅलीमध्ये अनेक स्वातंत्र्य सैनिकांचे पोस्टर झळकत होते, मात्र यामध्ये टिपू सुलतान यांचे देखील फोटो असलेला पोस्टर रॅलीमध्ये दिसून आला. त्यामुळे पोलिसांनी या खाजगी संघटनेच्या रॅलीला थांबवून टिपू सुलतान पोस्टर असलेले फलक काढायला सांगितले. मात्र रॅलीमध्ये असणाऱ्या मुस्लिम समुदायाने का काढावे पोस्टर असं पोलिसांना विचारलं.मुंब्रा पोलिसांनी शांतता राखत कोणताही राजकीय वादविवाद होऊ नये यासाठी पुन्हा ती रॅली सुरळीतपणे सोडली. या रॅलीमध्ये छत्रपती शिवाजी महाराज, डॉक्टर बाबासाहेब आंबेडकर, महात्मा गांधी, राणी लक्ष्मीबाई सह इतर स्वातंत्र्यसैनिकांचे देखील पोस्टर दिसत होते. टिपू सुलतानच्या फोटोमुळे अनेक वादांना महाराष्ट्रामध्ये तोंड फुटलेले असताना स्वातंत्र्यदिनाच्या रॅलीमध्ये या फोटोवरुन नवीन वाद उफाळण्याची शक्यता.