महावितरण रत्नागिरी मंडळ अधीक्षक अभियंतापदी पाथोडे रूजू

महावितरण रत्नागिरी मंडळाच्या अधीक्षक अभियंतापदी पदोन्नतीने वैभव पाथोडे रूजू झाले आहेत. ते भंडारा तालुक्यातील लाखनीचे मूळ रहिवासी आहेत.पाथोडे यांचे शिक्षण विद्युत अभियांत्रिकी शाखेत पदवी व व्यवस्थापन शाखेत पदव्युत्तर पदवीपर्यंत झाले आहे. पाथोडे हे सन २००७ ला महावितरणमध्ये कनिष्ठ अभियंता पदावर रूजू झाले. सन २००८ मध्ये सरळसेवा भरतीतून अतिरिक्त कार्यकारी अभियंता म्हणून त्यांची निवड झाली. नांदेड ब्रह्मपुरी, भंडारा येथे अतिरिक्त कार्यकारी अभियंता म्हणून कार्यरत होते. २०१७ मध्ये पदोन्नतीने कार्यकारी अभियंता म्हणून निवड झाली. नागपूर येथे कार्यकारी अभियंता म्हणून सेवा बजावली. अमरावती (शहर) चाचणी विभाग येथे कार्यरत असताना सरळसेवा भरतीत अधीक्षक अभियंतापदावर त्यांची निवड झाली आहे.www.konkantoday.com