मुंबई-गोवा महामार्गावरील महाडनजिक कार-कंटेनर अपघातात एक जखमी

मुंबई-गोवा महामार्गावरील रायगड जिल्ह्यातील महाड तालुक्यातील चांडवे बुद्रूक येथे हुंडाई कारने कंटेनरला मागून धडक दिल्याने एकजण जखमी झाला. कंटेनर चालकाने अचानक ब्रेक दाबल्याने हा अपघात घडला. अपघातानंतर कंटेनर चालकाने पलायन केले असून महाड पोलीस त्याचा शोध घेत आहेत.कारचालक राजाराम दत्तू कडू (४०, बदलापूर) हे आपल्या ताब्यातील हुंडाई कारने (एम.एच. ०४/एन.एच.३३९७), निलेेश हरिभाऊ शेलार, (३१, टिटवळा-ठाणे), राजकुमार गुलजारराम मल्ही (५७, रा. कल्याण), प्रमोद महादेव खंडागळे (३७, माढा, सोलापूर) यांच्यासमवेत सावंतवाडी येथून मुंबईला जात होते. चांडवे बुद्रूक येथे ते आले असता कंटेनरने अचानक ब्रेक दाबल्याने कार पाठिमागून धडकली.या अपघातात राजकुमार मल्ही यांच्या डोक्याला गंभीर दुखापत झाली तर अन्य तिघांना किरकोळ जखमा झाल्या. चौघांनाही उपचारासाठी पोलादपूर ग्रामीण रूग्णालयात दाखल करण्यात आले. www.konkantoday.com