सिंधुदुर्ग आंबडोस गावच्या प्रकाशिका नाईकची भारतीय महिला क्रिकेट संघात निवड

इंग्लंड अ महिला क्रिकेट संघाविरुद्धच्या टी-20 मालिकेसाठी भारतीय महिला क्रिकेट संघ जाहीर करण्यात आला आहे. या संघात आंबडोस (ता. मालवण, जि. सिंधुदुर्ग) येथील प्रकाशिका प्रकाश नाईक हिची निवड झाली आहे.नुकत्याच झालेल्या ऑल इंडिया टी-20 महिला क्रिकेट स्पर्धेत मुंबई संघाला चॅम्पियनशिप मिळवून देण्यात प्रकाशिकाने महत्वाची भूमिका बजावली होती. तिच्या या चमकदार कामगिरीची दखल बीसीसीआयच्या महिला संघाच्या निवड समिती घेतली आणि प्रकाशिकाचा अष्टपैलू म्हणून संघात समावेश केला आहे.
प्रकाशिका ही शाळा स्तरापासून क्रिकेट खेळत आहे. कॉलेज स्तरावरही तिने मैदान गाजवले. त्यानंतर तिची भारताच्या 19 वर्षाखालील महिला संघात निवड झाली. ती मुंबई महिला संघाचीही उपकर्णधार होती. प्रकाशिका हिच्या सातत्यापूर्ण प्रभावी कामगिरी पाहून तिला मुंबई संघाची कर्णधार म्हणून जबाबदारी सोपवण्यात आली. नुकत्याच झालेल्या ऑल इंडिया टी-20 स्पर्धेत मुंबई संघाला चॅम्पियनशिप मिळाली.
www.konkantoday.com