कोकणात प्रकल्प अथवा उद्योग आम्हाला हवाय, अशी मागणी करणारी समिती प्रथमच राजापुरात स्थापन

प्रकल्प अथवा उद्योग आम्हाला हवाय, अशी मागणी करणारी समिती प्रथमच राजापुरात स्थापन करण्यात आली आहे. रिफायनरी प्रकल्पासाठी बारसू, सोलगाव परिसरातील जागेचा पर्यायी विचार होत असताना या परिसरात प्रकल्प यावा याकरिता देवाचेगोठणे – सोलगाव – नाटे दशक्रोशी रिफायनरी समर्थक समिती गठीत करण्यात आली आहे. या समितीच्या अध्यक्षपदी नाटे येथील डॉ. सुनील राणे यांची, तर सचिवपदी सोलगाव येथील मनोहर गुरव यांची निवड करण्यात आली आहे.
देवाचेगोठणे – सोलगाव – नाटे दशक्रोशी रिफायनरी समर्थक समिती तयार केल्यानंतर येत्या दोन दिवसांत गोवळ शिवणेखुर्द -बारसू दशक्रोशी समितीचीही घोषणा करण्यात येणार आहे. या दोन्ही समित्यांची घोषणा झाल्यानंतर त्यामध्ये आणखी सदस्य समाविष्ट करण्यात येणार असल्याची माहिती देण्यात आली आहे.
www.konkantoday.com