वीजबिल भरण्यासाठी मुदतवाढ देण्याचा निर्णय

महावितरणच्या घरगुती, वाणिज्यिकसह इतर सर्वच वर्गवारीतील वीजग्राहकांना मार्च व एप्रिल महिन्यांचे वीजबिल भरण्यासाठी मुदतवाढ देण्याचा निर्णय राज्याचे ऊर्जामंत्री डॉ. नितीन राऊत यांनी घेतला असून तसे आदेश महावितरणला दिले आहेत. त्यामुळे महावितरणने मार्च महिन्याचे बिल भरण्यास १५ मे २०२० आणि एप्रिल-२०२० चे वीजबिल भरण्यासाठी ३१ मे २०२० ची अंतिम तारीख दिली आहे. सोबतच महावितरणच्या सर्व वीजग्राहकांनी त्यांच्या वीज मीटरचे स्वतः रिडींग घेऊन महावितरणच्या वेबसाईट किंवा मोबाईल अ‍ॅपद्वारे अपलोड करावेत, असे आवाहन त्यांनी केले आहे. यामुळे वीजग्राहकांना अचूक मीटर रिडींगचे वीजबिल प्राप्त होईल.
www.konkantoday.com