Tuesday, Jan 23rd

Headlines:

संजय गांधी निराधार योजनेचे लाभार्थी पेन्शनपासून वंचित

E-mail Print PDF
संगमेश्‍वर (प्रतिनिधी) - संगमेश्‍वर तालुक्यातील सुमारे ६ हजारपेक्षा अधिक निराधारांना गेले दोन महिने संजय गांधी निराधार योजनेची पेन्शन मिळाली नसल्याने या पेन्शनधारकांकडून शासनाच्या कारभाराबाबत तीव्र नाराजी व्यक्त करण्यात येत आहे. या पेन्शनबाबत देवरुख आणि संगमेश्‍वर पोस्ट कार्यालय आणि संजय गांधी निराधार योजना विभाग यांच्याकडे लाभार्थ्यांनी संपर्क साधला असता दोन्ही विभाग एकमेकांकडे बोटे दाखविण्याचे काम करीत असल्याने  लाभार्थी मात्र चिंतेत पडले आहेत.
तालुक्यात जवळपास सहा हजारपेक्षा अधिक निराधार या योजनेचे लाभार्थी आहेत. परंतु गेल्या दोन महिन्यांपासून या निराधारांना या पेन्शन योजनेचा लाभ मिळाला नसल्याने आपला उदरनिर्वाह करायचा कसा? या चिंतेत सर्व लाभार्थी पडले आहेत.