आचारसंहिता सुरू झाल्याने चिपळूण नगर परिषदेकडून राजकीय नेत्यांच्या व पक्षांच्या फलक जप्तीला सुरूवात

नगर परिषद निवडणुकीसाठी आचारसंहिता जारी झाल्याने नगर परिषदेने शहरातील फलक जप्तीची करण्याची कार्यवाही मंगळवारपासून सुरू केली आहे. दोन दिवसात १० फलक जप्त करण्यात आले आहेत.
शहरात आता कोठेही फलक लावायचे असल्यास संबंधितांना चिपळूण नगर परिषदेची परवानगी घ्यावी लाते. परवानगी घेतलेल्या फलकांवर क्यूआर कोड असतो. मात्र तरीही काहीजण परवानगी न घेताच फलक लावत असल्याचे दिसत असल्याने नगर परिषदेचे पथक अधूनमधून असे फलक जप्त करण्याची कारवाई करीत असते. यातून शेकडो फलक जप्त झाले आहेत. काही फलकांमुळे अपघात होत असल्याचे अनेकदा दिसले आहे. असे असताना मंगळवारी नगर परिषद निवडणुकांसाठी आचारसंहिता जारी झघल्याचे त्यांचे पालन व्हावे यासाठी मुख्याधिकारी विशाल भोसले यांच्या सुचनेनुसार अतिक्रमण विरोधी विभागाचे प्रमुख संदेश टोपरे यांच्या मार्गदर्शनाखाली कर्मचार्‍यांनी शहरातील २० विविध भागात झळकणारे परवानगी न घेतलेले तसेच अनधिकृत फलक जप्त करण्याची कार्यवाही सुरू केली आहे.www.konkantoday.com