जिल्हा सैनिक कल्याण कार्यालयात ७२ लिपिक टंकलेखक पदाकरिता भरती माजी सैनिक उमेदवारांनी ५ नोव्हेंबरपर्यंत ऑनलाईन अर्ज करावा

रत्नागिरी, दि. 14 ) : सैनिक कल्याण विभाग व विभागाच्या अधिपत्याखालील जिल्हा सैनिक कल्याण कार्यालयातील लिपिक टंकलेखक (गट क) एकूण 72 पदाकरिता फक्त माजी सैनिक उमेदवारांकडून ऑनलाईन पध्दतीने अर्ज मागविण्यात येत आहेत. पात्र उमेदवारांना वेब बेस्ड (Web-based) ऑन लाईन अर्ज www.mahasainik.maharashtra.gov.in या संकेतस्थळावर 5 नोव्हेंबर रात्रौ 23.59 वाजेपर्यंत सादर करणे आवश्यक राहील, असे जिल्हा सैनिक कल्याण अधिकाऱ्यांनी कळविले आहे.
ही भरती प्रक्रिया टिसीएस आयओएन यांच्यामार्फत होणार असून परीक्षेसाठी अर्ज फक्त ऑनलाईन पध्दतीने स्विकारण्यात येतील. इतर कोणत्याही प्रकारे अर्ज स्वीकारण्यात येणार नाहीत. पात्र उमेदवारांना वेब बेस्ड (Web-based) ऑन लाईन अर्ज www.mahasainik.maharashtra.gov.in या संकेतस्थळावर (Resources Tab –> Recruitment Tab येथे दि. 14 ऑक्टोबर रोजी सकाळी 11 वाजल्यापासून दिनांक 5 नोव्हेंबर 2025 रोजी रात्रौ 23.59 वाजेपर्यंत सादर करणे आवश्यक राहील. त्यानंतर वेबलिक बंद होईल. या भरतीचा जिल्हयात्तील माजी सैनिकांनी लाभ घ्यावा असे आवाहन करण्यात येत आहे.
000