जादा परताव्याचे आमिष दाखवून चिपळुणात तरूणाकडून महिलेला २० लाखांचा गंडा.

गुंतवणूक केलेल्या रकमेवर दरदिवशी चांगला परतावा देतो असे भासवून एका तरूणाने महिलेला तब्बल २० लाख ८२ हजार ९ रुपये इतक्या रकमेला फसवल्याचा प्रकार पुढे आला आहे. या प्रकरणी अलोरे-शिरगांव पोलीस ठाण्यात त्या तरूणावर गुन्हा दाखल करण्यात आला आहे.सचिन चांगदेव वेळवी (३६, खेर्डी) असे गुन्हा दाखल झालेल्याचे नाव आहे. याबाबतची फिर्याद एका महिलेने दिली आहे.

पोलिसांनी दिलेल्या माहितीनुसार गुंतवणूक केलेल्या रकमेवर दर दिवशी चांगला परतावा देतो असे येळवी याने महिलेला सांगितले होते. त्यावर विश्‍वास ठेवून या महिलेने ७ जुलै २०२३ ते  डिसेंबर २०२३  पर्यंत घरातून वेळोवेळी गुगल पे, चेक अशा स्वरूपात एकूण २२  लाख ६६  हजार २३४ रुपये इतकी रक्कम दिलेली आहे. त्यापैकी वेळवी याने त्या महिलेला १ लाख ८४ हजार २३४ रुपये इतकी रक्कम परत दिलेली आहे. तसेच २० लाख ८२ हजार ९ रुपये इतकी रक्कम परत दिलेली नाही.www.konkantoday.com