रिफायनरीसाठी पुढील दोन वर्षात गतीमान हालचाली होतील, राजकीय विश्‍लेषक अनय जोगळेकर यांचे मत.
अमेरिका व सौदी अरेबियाच्या भागीदारीतून नाणार रिफायनरी होणार होती. २०१७ मध्ये नाणार येथे प्रकल्पाची सुरूवात होणार होती. पण तेव्हा अमेरिकेत डोनाल्ड ट्रम्प यांचा पराभव होवून बायडेन विजयी झाले होते. आता पुन्हा अमेरिकेमध्ये ट्रम्प यांनी निवडणुकीत विजय मिळवल्याने रिफायनरीच्या आशा पल्लवीत झाल्या आहेत. त्यामुळे पुढील दोन वर्षात कोकणात रिफायनरी प्रकल्प आणण्याच्या दृष्टीने हालचाली होवू शकतात, असे प्रतिपादन राजकीय विश्‍लेषक अनय जोगळेकर यांनी केले.
रत्नागिरी कर्‍हाडे ब्राह्मण संघ, आणि केजीएन सरस्वती फाऊंडेशन यांच्या संयुक्त विद्यमाने आयोजित दर्पणकार बाळशास्त्री जांभेकर स्मृती पहिल्या व्याख्यानमालेत ते बोलत होते. भारत जगातील तिसरी अर्थव्यवस्था होणार असेल तर उर्जेची मागणी वाढणार आहे. त्यासाठी खनिज तेल लागणार आहे. त्यासाठी रिफायनरीचा विचार पुढे आला असल्याचे जोगळेकर यांनी सांगितले.
राजकारणाला अर्थकारणाचे बळ लागतेच. त्याचप्रमाणे ट्रम्प यांच्या पक्षाला तेल उद्योगाचा पाठिंबा होता. त्यांचे जावई आशियात काम करत होते. त्यातूनच सोदी अरेबियाच्या अरामको कंपनीकडून रिफायनरीत गुंतवणुकीचे ठरले. या कंपनीने अमेरिकेच्या शेअर बाजारात नोंदणी करावी व ५ टक्के शेअर विकून २ लाख कोटी डॉलर्स मिळवावेत. ते पैसे तेल उद्योगात म्हणजे भारतात रिफायनरीत गुंतवणूक करण्याचे ठरवले. पण आपण स्थानिक विषयाचा विचार करत राहतो. आंतरराष्ट्रीय पातळीवर विचार करायला पाहिजे, असे जोगळेकर म्हणाले.www.konkantoday.com
