दापोली – दाभोळ अपघात, एकाचा मृत्यू तर दुसरा गंभीर

दापोली :-दापोली – दाभोळ मार्गावर उंबर्ले रोहीदासवाडी स्टाॅप जवळ दापोलीकडून दाभोळकडे जाणारी एसटी व दाभोळकडून दापोलीकडे येणाऱ्या दुचाकी यांच्यात झालेल्या भीषण अपघातात एक जनाचा जागीच मृत्यू झाला असून दुसरा गंभीर जखमी झाला आहे. त्याच्यावर दापोली उपजीला रुग्णालयात उपचार सुरू आहेत. शुक्रवार दि. २३ ऑगस्ट रोजी सकाळी ११ वाजता सुटणारी दापोली दाभोळ एसटी बस ही दाभोळकडे रवाना झाली होती. साडेअकराचे सुमारास ती उंबर्ले येथील बोरघरे यांच्या बागेसमोर आली असता दाभोळ कडून येणारी एक दुचाकी यांच्यात समोरासमोर धडक बसली. यामध्ये दुचाकीस्वाराचा जागीच मृत्यू झाला आहे. घटनास्थळावरून मिळालेल्या माहितीनुसार, या अपघातात तैहसीन मथरुजी (वय सु. ३५, रा. वणकर मोहल्ला, दाभोळ) याचा जागीच मृत्यू झाला तर दुचाकीवर मागे बसलेल्या शमशुद्दीन दांडेकर रा. दाभोळ याला गंभीर दुखापत झाली आहे. त्याला पुढील उपचारासाठी शासकीय उपजिल्हा रुग्णालय दापोली येथे दाखल करण्यात आले आहे. घटनास्थळी पोलीस, एसटी आगाराचे अधिकारी दाखल झाले असून पोलीस पंचनामा सुरु आहे.