रत्नागिरी शासकीय वैद्यकीय  महाविद्यालयात प्राध्यापकांची कमतरता व सुविधांचा अभाव-दंड मात्र शासनाच्या माथी

रत्नागिरी शासकीय वैद्यकीय महाविद्यालयातील प्राध्यापकांची कमतरता व सुविधांचा अभाव याचा दंड पुन्हा एकदा आता राज्य शासनाला भरावा लागणार आहे. १० जुलै रोजी राष्ट्रीय वैद्यकीय परिषदेने दिलेली सुधारण्याची मुदत संपली असून अद्याप महाविद्यालयात कोणतीच सुधारणा झालेली नाही. त्यामुळे आता पुन्हा एकदा या वैद्यकीय महाविद्यालयाच्या कमतरतेचा भुर्दंड राज्य शासनाला भरावा लागण्याची वेळ आली आहे.राष्ट्रीय वैद्यकीय परिषदेने स्वीकारलेल्या धोरणामुळे आता देशभरातील सर्वच वैद्यकीय महाविद्यालयांची पळापळ सुरू झाली आहे. वैद्यकीय परिषदेने सुविधा आणि कमतरतेअभावी भरावा लागणार्‍या दंडात रत्नागिरी आणि सिंधुदुर्ग या दोन्ही जिल्ह्यातील शासकीय वैद्यकीय महाविद्यालयांना सर्वात जास्त म्हणजजे १२ लाखांचा दंड बसला आहे. राज्य शासनाने नुकतीच या दंडाची पूर्तता केली आहे. मात्र वैद्यकीय परिषदेने दिलेली सुधारणेची मुदत १० जुलै रोजी संपली तरी अद्याप दोन्ही महाविद्यालयात कोणतीच सुधारणा झालेली नाही. सध्या रत्नागिरी शासकीय वैद्यकीय महाविद्यालयाचे पहिले वर्ष संपून वर्षाची अंतिम परीक्षा लवकरच होणार आहे. मात्र अजूनही महाविद्यालयातील आवश्यक १२७ प्राध्यापकांपैकी फक्त १४ प्राध्यापक काम करत आहेत. तर नियमित ७० प्रशासकीय कर्मचार्‍यांपैकी फक्त ४ कर्मचारी उपलब्ध आहेत. www.konkantoday.com

Related Articles

Leave a Reply

Your email address will not be published. Required fields are marked *

Back to top button