Tuesday, Jan 23rd

Headlines:

सिंधुदुर्ग

कुडाळला चोरटय़ांचा धुडगूस

E-mail Print PDF
कुडाळ- कुडाळ बाजारपेठेतील भरवस्तीच्या ठिकाणची चार दुकाने चोरटय़ांनी सोमवारी मध्यरात्रीच्या सुमारास फोडली. यात त्यांनी दोन कॅमेरे, लॅपटॉपसह रोख रक्कम मिळून दोन लाख रु. चा ऐवज लंपास केला. सीसीटीव्ही कॅमेऱयात एक बुरखाधारी चोरटा कैद झाला आहे. श्वानपथक मागविण्यात आले. पण चोरटय़ाचा माग काढण्यात अपयश आले. शहरातील मुख्य बाजारपेठेतील दुकाने लक्ष्य करण्यात आल्याने खळबळ उडाली आहे. पोलीस यंत्रणेसमोर त्यांचा शोध घेण्याचे आव्हान आहे.

कुडाळ नगर पंचायतीसमोरील बाजारपेठेतील जालमसिंह पुरोहित यांचे रेणुका स्वीट मार्ट, पांडुरंग धडाम यांचे स्वरुपानंद ट्रेडर्स, मनोहर कामत यांचे कुडाळकर मेडिकल व सूरज कुडपकर यांचा मनीष फोटो स्टुडिओ चोरटय़ांनी फोडल्याचे मंगळवारी सकाळी उघडकीस आले.

‘रेणुका’ची लोखंडी ग्रील धारदार हत्याराने कापली

रेणुका स्वीट मार्ट गल्लीच्या दिशेने असलेल्या इमारतीच्या भिंतीला असलेल्या खिडकीचे लोखंडी ग्रील चोरटय़ांनी धारदार हत्याराने कापून आत प्रवेश केला. आत प्रवेश करण्यासाठी ग्रीलचा साधारण दीड बाय दीड फूट लांबी-रुंदीचा भागच त्याने कापला. त्यातून जेमतेम सडपातळ व्यक्तीच आत प्रवेश करू शकते. आतील काऊंटरच्या खणातील 40 हजार रु. रक्कम तसेच तेथील 30 हजार रु. किमतीचा लॅपटॉप चोरटय़ांनी लंपास केला. काऊंटरचे खण त्याने बाहेर पडल्यानंतर ग्रीलच्या ठिकाणी टाकले.

काजूगर पॅकेटही केली लंपास

रेणुका स्वीट मार्टमधील काजूगरही चोरटय़ांनी लंपास केले. तेथील काजूगर पॅकेट पिशव्यांमध्ये भरून ती खिडकीच्या ठिकाणी आणून ठेवली आणि त्याच वाटेने बाहेर काढून चोरटे तेथून सटकले. ही चोरी आतील सीसीटीव्ही कॅमेऱयात कैद झाली आहे.

बाजूच्या कॉम्प्लेक्समधील पहिल्या मजल्यावरील मनीष फोटो स्टुडिओच्या शटरच्या कुलुपाची पट्टी हत्याराने कापून चोरटय़ांनी आत प्रवेश केला. आतील टेबलाच्या खणातील निकॉन डी-90 व निकॉन डी-40 असे दोन कॅमेरे मिळून एक लाख रु. चा ऐवज लंपास केला. आतील लाईट सुरूच ठेवली आणि शटर पुन्हा बंद करून चोरटे निघून गेले.

कुडाळकर मेडिकलच्या शटरच्या कुलुपानजीकची एक पट्टी कापून ते उघडले आणि चोरटय़ांनी आत प्रवेश केला. आतील भागाची त्याने चाचपणी केली. तेथील काऊंटरमधील 500 ते 600 रु. सुट्टे पैसे चोरून नेले. तसेच तेथील काही बॉडी स्प्रेही लंपास केले.

स्वरुपानंद ट्रेडर्सच्या वरील भागातील दरवाजा चोरटय़ांनी फोडून चोरी करण्याचा प्रयत्न केला. पण काही चोरीस गेले नसल्याचे सांगण्यात आले. घटनेची फिर्याद जालमसिंह पुरोहित यांनी कुडाळ पोलिसांत दिली. घटना उघडकीस येताच पोलीस घटनास्थळी दाखल झाले. नंतर ओरोस येथील श्वानपथक मागविण्यात आले. मात्र, श्वान चोरटय़ांचा माग काढू शकला नाही. तो घटनेच्या ठिकाणापासून बसस्थानकापर्यंत येणाऱया गल्लीपर्यंत आला अणि घुटमळला.

साडेतिनशे एकरातील बागायती खाक

E-mail Print PDF
बांदा -डिंगणे-धनगरवाडी येथे लागलेल्या आगीत सुमारे साडेतीनशे एकरातील बागायती जळून खाक झाली. मंगळवारी सकाळी अकराच्या सुमारास लागलेली ही आग डिंगणे-धनगरवाडी येथून मोरगाव व डेगवे येथील बागायतीमध्येही शिरली. आग विझविण्यासाठी डिंगणे गाव एकवटला. त्यांच्या मदतीला शेजारील गावांतील ग्रामस्थही सरसावले. मात्र सकाळी साडेअकरा वाजता कळवूनही आपत्ती व्यवस्थापनकडून मात्र कोणतीच उपाययोजना करण्यात आली नाही. अग्निशमन बंब दुपारी तीन वाजता दाखल झाला.

स्थानिक ग्रामस्थांतून प्रशासनाच्या हलेढुले कारभाराबाबत संतप्त प्रतिक्रिया उमटत होत्या. ही आग आमच्या घरापर्यंत गेल्यावर प्रशासन जागे होणार काय? असा सवालही यावेळी ग्रामस्थांनी केला. आगीत येथील शेतकऱयांची हजारो काजू कलमे जळून खाक झाली. नुकसानीचा आकडा कोटीच्या घरात असल्याचा अंदाज व्यक्त करण्यात आला. ऐन काजू हंगामात बागायती जळून खाक झाल्याने शेतकऱयांवर मोठे आर्थिक संकट कोसळले आहे.

डिंगणे-धनगरवाडी परिसारात डिंगणे, डेगवे, मोरगाववासीयांच्या काजू बागायती आहेत. अगदी गावापासून दोन-तीन किलोमीटर अंतरावर या काजू बागायती आहेत. नेहमीप्रमाणे येथील शेतकरी काजू बागायतीत काम करायला गेले होते. काही शेतकरी काम आटोपून घरी परतत असताना मोठय़ा प्रमाणात आग लागल्याचे त्यांना दिसून आले. याबाबतची माहिती त्यांनी गावात दिली. आग लागल्याचे समजताच गावातील सर्वच मंडळी आग विझविण्यासाठी धनगरवाडी माळरानावर धावली. दुपारची वेळ असल्याने आगीने रौद्ररुप धारण केले होते. शेकडो ग्रामस्थांनी झाडांच्या फांद्याच्या सहाय्याने आग विझविण्यासाठी प्रयत्न केले. बांदा पोलीस कर्मचारी सुहास राणेही त्या ठिकाणी पोहोचले. मात्र, आगीचा रुद्रावतार पाहता जीवावरही बेतू शकले होते. अशा परिस्थितीही येथील गाववासीयांनी आपल्या आणि शेजारांच्या बागायती वाचविण्यासाठी जिवावर उदार होऊन प्रयत्न केले.

दशावतारी नाटयमहोत्सवाचे उदघाटन

E-mail Print PDF
परुळे: दशावतारी नाटकात नुसता पुराणाचा अभ्यास असून चालत नाही, तर त्याला समयसूचकतेची सांगड असावी लागते. ‘मालकांनू, तीच समयसूचकता माज्या अंगात भिनली हा. तुम्ही काळजी करू नको. मी नाटक पडाक देवचय नाय’, असे सांगून कै. वसंत परुळेकर रंगमंचावर प्रवेश करायचे आणि क्षणार्धात माहोल उभे करायचे. त्या माहोलात रसिक देहभान विसरून जायचे. अशा बावनकशी अभिनय सम्राटाच्या नावाने देण्यात येणारा पुरस्कार मला देऊन सन्मानित करण्यात आले हे माझे भाग्य समजतो. या पुरस्काराने माझी दशावतारी कारकीर्द सार्थकी लागली, असे भावपूर्ण उद्गार ज्येष्ठ दशावतारी कलाकार जयसिंग राणे यांनी येथे काढले.

येथील संस्कृती कला प्रतिष्ठान आयोजित शामसुंदर श्रीपाद सामंत स्मृती राज्यस्तरीय दशावतारी नाटय़महोत्सवादरम्यान देण्यात येणारा व दशावतारी क्षेत्रात प्रतिष्ठेचा मानला जाणाऱया, दशावतारी नटसम्राट वसंत परुळेकर यांच्या नावाने देण्यात येणाऱया पुरस्काराने राणे यांना गौरविण्यात आले. त्यावेळी ते बोलत होते. प्रारंभी मान्यवरांच्या उपस्थितीत दशावतारी नाटय़ महोत्सवाचे उद्घाटन झाले. हा कार्यक्रम येथील आदिनारायण मंदिराच्या रंगमंचावर झाला.

इन्सुलीत भरधाव डंपर धडकला

E-mail Print PDF
बांदा: मुंबई-गोवा महामार्गावरील इन्सुली-डोबाचीशेळ येथे रहदारीच्या ठिकाणी बेदकारपणे खडीवाहक डंपर हाकल्याने एका ऍक्टिव्हाचे नुकसान झाले. नेहमी गजबजलेल्या या बस थांब्यावर कोणीच उभा नसल्याने मोठा अनर्थ टळला. अपघातानंतर स्थानिकांमध्ये संताप व्यक्त करण्यात आला. रहदारीच्या ठिकाणी बेदरकारपणे वाहने हाकणाऱया चालकांवर कारवाई का होत नाही, असा सवाल ग्रामस्थांनी केला आहे.

इन्सुली डोबाचीशेळ येथे सावंतवाडीहून गोव्याच्या दिशेने भरधाव वेगाने जाणाऱया डंपर चालकाचा ताबा सुटल्याने अपघात झाला. ज्या ठिकाणी डंपर महामार्गावरून शेजारील कुपंणात गेला तेथे नेहमी शाळकरी मुले तसेच बांदा, गोवा येथे जाणाऱया बससाठीचे प्रवासी उभे असतात. भरदुपार असल्याने तेथे कोणी नसल्याने अनर्थ टळला.

सुंदरवाडी पर्यटन महोत्सव पुढे ढकलला

E-mail Print PDF
सावंतवाडी : महाराष्ट्र स्वाभिमान पक्षातर्फे 12 ते 14 जानेवारी या कालावधीत होणारा ‘सुंदरवाडी पर्यटन महोत्सव’ काही दिवसांसाठी पुढे ढकलण्यात आला आहे. नियोजित सेलिब्रेटी अचानक परदेश दौऱयावर गेल्याने हा महोत्सव नियोजित तारखेस होऊ शकणार नाही. हा दर्जेदार महोत्सव होणारच, असे महाराष्ट्र स्वाभिमान तालुकाध्यक्ष संजू परब यांनी पत्रकार परिषदेत स्पष्ट केले. यावेळी शहराध्यक्ष सुधीर आडिवरेकर, केतन आजगावकर उपस्थित होते.
परब पुढे म्हणाले, या महोत्सवासाठी आमंत्रित करण्यात आलेले सेलिब्रेटी अचानक परदेशात गेले. त्यामुळे हा महोत्सव पुढे ढकलण्यात आला आहे. ‘सुंदरवाडी पर्यटन महोत्सव’ हा दर्जेदार करण्यात येणार असून महोत्सवाची तारीख लवकरच निश्चित करण्यात येणार आहे.
परब म्हणाले, स्वच्छ भारत मिशन स्पर्धेत सावंतवाडी पालिका उतरली आहे. आमचे स्वाभिमानचे सर्व नगरसेवक प्रत्येक प्रभागात स्वच्छतादूत म्हणून कार्यरत असून आम्ही अभियानाला सर्वतोपरी सहकार्य करीत आहोत. नगराध्यक्ष बबन साळगावकर यांना आमचा पाठिंबा आहे. सावंतवाडी शहराला नंबर मिळू नये, म्हणून पालकमंत्री दीपक केसरकर यांचे प्रयत्न असून वेंगुर्ले शहर अव्वल ठरावे, ही केसरकरांची इच्छा आहे. साळगावकर मोठे झालेले केसरकरांनाच नको आहेत. त्यामुळे सावंतवाडी शहराचा नंबर हुकणार आहे. केसरकर फक्त घोषणाबाजीच करू शकतात. डेगवे, वाफोली, तांबोळी चक्रीवादळ झाले, त्याची भरपाई केसरकर अद्याप मिळवून देऊ शकलेले नाहीत, अशी टीका त्यांनी केली.
सावंतवाडी : महाराष्ट्र स्वाभिमान पक्षातर्फे 12 ते 14 जानेवारी या कालावधीत होणारा ‘सुंदरवाडी पर्यटन महोत्सव’ काही दिवसांसाठी पुढे ढकलण्यात आला आहे. नियोजित सेलिब्रेटी अचानक परदेश दौऱयावर गेल्याने हा महोत्सव नियोजित तारखेस होऊ शकणार नाही. हा दर्जेदार महोत्सव होणारच, असे महाराष्ट्र स्वाभिमान तालुकाध्यक्ष संजू परब यांनी पत्रकार परिषदेत स्पष्ट केले. यावेळी शहराध्यक्ष सुधीर आडिवरेकर, केतन आजगावकर उपस्थित होते.परब पुढे म्हणाले, या महोत्सवासाठी आमंत्रित करण्यात आलेले सेलिब्रेटी अचानक परदेशात गेले. त्यामुळे हा महोत्सव पुढे ढकलण्यात आला आहे. ‘सुंदरवाडी पर्यटन महोत्सव’ हा दर्जेदार करण्यात येणार असून महोत्सवाची तारीख लवकरच निश्चित करण्यात येणार आहे.परब म्हणाले, स्वच्छ भारत मिशन स्पर्धेत सावंतवाडी पालिका उतरली आहे. आमचे स्वाभिमानचे सर्व नगरसेवक प्रत्येक प्रभागात स्वच्छतादूत म्हणून कार्यरत असून आम्ही अभियानाला सर्वतोपरी सहकार्य करीत आहोत. नगराध्यक्ष बबन साळगावकर यांना आमचा पाठिंबा आहे. सावंतवाडी शहराला नंबर मिळू नये, म्हणून पालकमंत्री दीपक केसरकर यांचे प्रयत्न असून वेंगुर्ले शहर अव्वल ठरावे, ही केसरकरांची इच्छा आहे. साळगावकर मोठे झालेले केसरकरांनाच नको आहेत. त्यामुळे सावंतवाडी शहराचा नंबर हुकणार आहे. केसरकर फक्त घोषणाबाजीच करू शकतात. डेगवे, वाफोली, तांबोळी चक्रीवादळ झाले, त्याची भरपाई केसरकर अद्याप मिळवून देऊ शकलेले नाहीत, अशी टीका त्यांनी केली.

खारभूमी विकास विभाग, उपविभाग कार्यालय 31 पासून बंद

E-mail Print PDF
सिंधुदुर्गनगरी : सिंधुदुर्ग खारभूमी विकास विभाग जिल्हा कार्यालय ओरोस, खारभूमी सर्व्हे व अन्वेषण उपविभाग कार्यालय तळेरे ही दोन्ही कार्यालये 31 जानेवारीच्या आदेशान्वये जलसंपदा विभागाने बंद करण्याचा निर्णय घेतला आहे. यापूर्वी कार्यालये बंद करण्याचे आदेश निघाले होते. त्यावेळी पालकमंत्री दीपक केसरकर यांनी बंदला स्थगिती दिली होती. आता पुन्हा दोन्ही कार्यालये बंद होण्यापासून थांबवणार का? असा प्रश्न उपस्थित होत आहे.
सिंधुदुर्ग खारभूमी विकास विभाग व खारभूमी सर्व्हेक्षण उपविभाग तळेरे या दोन्ही विभागांतर्गत खारभूमीची कामे कमी झाली असल्याचे कारण पुढे करीत जलसंपदा विभागाने दोन्ही कार्यालये बंद करण्याचा निर्णय घेत या कार्यालयाकडील अधिकारी व कर्मचाऱयांना जलसंपदा विभागांतर्गत रिक्त असलेल्या जागांवर अन्यंत्र सामावून घेतले जाणार आहे.
दरम्यान, खारभूमी विकास विभागांतर्गत पूर्वीची खारभूमी विकासाची जुनी कामे कमी झाली असली तरी या विभागाकडे आता पत्तनची कामे आणि खासगी बंधाऱयांची कामे खारभूमी विकास विभागाकडे देण्यात आली आहेत. त्यामुळे कामे कमी झालेली नाहीत, असे असतानाही जलसंपदा विभागाने खारभूमी विकासाची जिल्हा व उपविभाग कार्यालये 31 जानेवारीपासून बंदचा निर्णय घेतला आहे.
यापूर्वीही 6 जून 2017 ला कार्यालये बंदचा आदेश निघाला होता. त्यावेळी पालकमंत्री दीपक केसरकर यांची अधिकारी व कर्मचाऱयांनी भेट घेतली होती. कार्यालय बंद करू नये, अशी मागणी केली होती. त्याप्रमाणे कार्यालये बंदच्या आदेशाला स्थगिती दिली होती. त्याप्रमाणे आताही पालकमंत्र्यांनी दखल घ्यावी व खारभूमी विभागांतर्गत असलेली कामे लक्षात घेऊन कार्यालये बंदला स्थगिती द्यावी, अशी मागणी घेत आहे. कार्यालये बंद झाल्यास जिल्हय़ातील खारभूमी व पत्तन व बंधाऱयाची कामेही थांबणार आहेत.
सिंधुदुर्गनगरी : सिंधुदुर्ग खारभूमी विकास विभाग जिल्हा कार्यालय ओरोस, खारभूमी सर्व्हे व अन्वेषण उपविभाग कार्यालय तळेरे ही दोन्ही कार्यालये 31 जानेवारीच्या आदेशान्वये जलसंपदा विभागाने बंद करण्याचा निर्णय घेतला आहे. यापूर्वी कार्यालये बंद करण्याचे आदेश निघाले होते. त्यावेळी पालकमंत्री दीपक केसरकर यांनी बंदला स्थगिती दिली होती. आता पुन्हा दोन्ही कार्यालये बंद होण्यापासून थांबवणार का? असा प्रश्न उपस्थित होत आहे.सिंधुदुर्ग खारभूमी विकास विभाग व खारभूमी सर्व्हेक्षण उपविभाग तळेरे या दोन्ही विभागांतर्गत खारभूमीची कामे कमी झाली असल्याचे कारण पुढे करीत जलसंपदा विभागाने दोन्ही कार्यालये बंद करण्याचा निर्णय घेत या कार्यालयाकडील अधिकारी व कर्मचाऱयांना जलसंपदा विभागांतर्गत रिक्त असलेल्या जागांवर अन्यंत्र सामावून घेतले जाणार आहे.दरम्यान, खारभूमी विकास विभागांतर्गत पूर्वीची खारभूमी विकासाची जुनी कामे कमी झाली असली तरी या विभागाकडे आता पत्तनची कामे आणि खासगी बंधाऱयांची कामे खारभूमी विकास विभागाकडे देण्यात आली आहेत. त्यामुळे कामे कमी झालेली नाहीत, असे असतानाही जलसंपदा विभागाने खारभूमी विकासाची जिल्हा व उपविभाग कार्यालये 31 जानेवारीपासून बंदचा निर्णय घेतला आहे.यापूर्वीही 6 जून 2017 ला कार्यालये बंदचा आदेश निघाला होता. त्यावेळी पालकमंत्री दीपक केसरकर यांची अधिकारी व कर्मचाऱयांनी भेट घेतली होती. कार्यालय बंद करू नये, अशी मागणी केली होती. त्याप्रमाणे कार्यालये बंदच्या आदेशाला स्थगिती दिली होती. त्याप्रमाणे आताही पालकमंत्र्यांनी दखल घ्यावी व खारभूमी विभागांतर्गत असलेली कामे लक्षात घेऊन कार्यालये बंदला स्थगिती द्यावी, अशी मागणी घेत आहे. कार्यालये बंद झाल्यास जिल्हय़ातील खारभूमी व पत्तन व बंधाऱयाची कामेही थांबणार आहेत.

लाच घेतल्याप्रकरणी अभियंता जाळय़ात

E-mail Print PDF
देवगड : पाटगाव ग्रामपंचायती अंतर्गत एमआरजीएस योजनेतून पूर्ण झालेल्या रस्त्याच्या बांधकामाचे एम. बी. रेकॉर्ड तयार करण्यासाठी रोजगार सेवकाकडून दहा हजाराची लाच घेतल्याप्रकरणी पंचायत समितीच्या बांधकाम विभागातील महात्मा गांधी राष्ट्रीय ग्रामीण रोजगार हमी योजनेचा स्थापत्य अभियंता सदानंद सत्यवान चव्हाण (रा. ओरोस बुद्रुक, ता. कुडाळ) याला सिंधुदुर्ग लाचलुचपत प्रतिबंधक विभागाने सापळा रचून रंगेहाथ पकडले. ही कारवाई पंचायत समितीच्या आवारात शनिवारी दुपारी 12.45 वाजण्याच्या सुमारास करण्यात आली. याप्रकरणी पोलीस ठाण्यात गुन्हा दाखल करण्यात आला असून संशयित चव्हाण याला ताब्यात घेण्यात आले आहे.

पाटगाव ग्रामपंचायती अंतर्गत एमआरजीएस योजनेमार्फत रस्त्याचे बांधकाम सुरू होते. या रस्त्याच्या पूर्ण झालेल्या बांधकामाचे क्र. 29 प्रमाणे एम. बी. रेकॉर्ड तयार करण्यासाठी तक्रारदाराने स्थापत्य अभियंता चव्हाण याच्याकडे मस्टर सादर करून मोजमाप व मूल्यांकन करून देण्याची विनंती केली. या कामासाठी चव्हाण याने
तक्रारदाराकडे 20 हजाराची मागणी केली. याबाबत तक्रारदाराने 3 जानेवारी रोजी लाचलुचपत प्रतिबंधक विभागाकडे तक्रार दाखल केली. 4 व 5 जानेवारी रोजी चव्हाण याने तक्रारदाराचे काम करून देण्यासाठी 20 हजार रुपयांची मागणी करून तडजोडीअंती पहिला हप्ता दहा हजार स्वीकारण्याचे मान्य केले.

कर्ली खाडीपात्रात शालेय विद्यार्थ्याचा मृतदेह

E-mail Print PDF
कुडाळ : तालुक्यातील नेरुरपार–नाईकवाडी येथील रोहित चंद्रशेखर नाईक (18) या शालेय विद्यार्थ्याचा मृतदेह नेरुरपार पुलानजीक कर्ली खाडीपात्रात शनिवारी दुपारी आढळला. तो शुक्रवारी सकाळपासून बेपत्ता झाला होता. त्याने त्या पुलावरून आत्महत्या केली असावी, असा प्राथमिक अंदाज असून त्याच्या मृत्यूचे कारण समजू शकले नाही. पोलीस तपास करत आहेत. याबाबतची खबर राघो गजानन नाईक (रा. नेरुरपार) यांनी कुडाळ पोलिसांत दिली.

रोहित मालवण तालुक्यातील काळसे येथील शिवाजी विद्यालयात बारावीत शिकत होता. शुक्रवारी सकाळी 6.30 वाजण्याच्या सुमारास तो नेहमीप्रमाणे विद्यालयात जाण्यासाठी घरातून बाहेर पडला. मात्र, दुपारनंतर पुन्हा घरी परतला नाही. तेव्हा नातेवाईकांनी शाळेत चौकशी केली असता, तो शाळेतच गेला नसल्याचे उघड झाले. नंतर ग्रामस्थांनी त्याची शोधाशोध सुरू केली. काहींनी रोहितला नेरुरपार मुख्य रस्त्यापर्यंत आल्याचे पाहिले होते. शुक्रवारी मध्यरात्रीपर्यंत ग्रामस्थ त्याचा शोध घेत होते. मात्र, तो सापडला नव्हता. त्यामुळे शनिवारी दुपारी त्याचे वडील कुडाळ पोलिसांत तक्रार देण्यासाठी आले.

त्याची शोधाशोध सुरू असतांना दुपारी एक वाजण्याच्या सुमारास राघो नाईक यांना नेरुरपार पूल खाडीपात्रात सधारण शंभर मीटर अंतरावर त्याचा मृतदेह दिसला. त्याचे दप्तर पुलापासून खाडीपात्रात साधारण पाचशे मीटर अंतरावर सापडले. तेव्हा पोलीस पाटील गणपत मेस्त्राr यांनी पोलिसांना याची कल्पना दिली. या घटनेने नेरुर गावात हळहळ व्यक्त करण्यात येत आहे. हवालदार भगवान चव्हाण व हिप्परकर यांनी पंचनामा केला. पं. स. सदस्य संदेश नाईक व ग्रामस्थ उपस्थित होते. ग्रामस्थांनी नदीपात्रातून मृतदेह बाहेर काढला. उपनिरीक्षक शीतल पाटील व गायित्री पाटील यांनी घटनास्थळी भेट दिली. जि. प. उपाध्यक्ष रणजीत देसाई यांनीही भेट दिली. रोहित शांत स्वभावाचा होता. त्याच्या मृत्यूचे कारण समजू शकले नाही. त्याच्या पश्चात आई, वडील व बहीण असा परिवार आहे.

भीमा कोरेगावप्रकरणी अत्याचार निवारण शक्तीकडून निषेध

E-mail Print PDF
ओरोस : भीमा कोरेगाव व वढबुद्रुक येथे झालेल्या दगडफेक व तोडफोडीच्या घटनेचा राष्ट्रीय अत्याचार निवारण शक्ती सिंधुदुर्गने जाहीर निषेध केला आहे. संबंधित दोषींवर कडक कारवाई करावी, अशी मागणी मुख्यमंत्र्यांकडे करणारे निवेदन त्यांनी जिल्हाधिकाऱयांकडे सादर केले.

भीमा कोरेगाव क्रांती स्तंभास अभिवादन करण्यासाठी जमलेल्या समाजबांधवांच्या गाडय़ा पेटविण्यात आल्या होत्या. तसेच वढबुद्रूक येथील गायकवाड यांच्या समाधीची तोडफोड करण्यात आली होती. याप्रकरणी शिवप्रतिष्ठानचे संभाजी भिडे, समस्त हिंदू आघाडीचे मिलिंद एकबोटे, ब्राह्मण महासंघाचे आनंद दवे यांच्या विरुद्ध अनिता साळवे आणि वामन मेश्राम यांनी फिर्याद दिली आहे. त्यानुसार त्यांना तात्काळ अटक करण्यात यावी. गोविंद गायकवाड यांची समाधी पूर्ववत बांधण्यात यावी. गाडय़ा जाळल्या जात असतांना बघ्याची भूमिका घेणाऱया पोलिसांवर कारवाई करण्यात यावी. दगडफेकीत मृत्यू पावलेल्या राहुल फटांगडे यांच्या कुटुंबियांना नुकसान भरपाई द्यावी व एकाला शासकीय सेवेत सामावून घ्यावे. ज्या कंपनीकडून मोबाईल सेवा बंद ठेवण्यात आली तसेच हॉटेल्स व दुकाने बंद ठेवण्यात आली, त्यांच्याविरुद्ध कारवाई करण्यात यावी, आदी मागण्या करण्यात आल्या आहेत.

राष्ट्रीय अत्याचार निवारण शक्ती सिंधुदुर्गचे अध्यक्ष संदीप कदम व जिल्हा प्रभारी एस. व्ही. कांबळे यांच्या नेतृत्वाखाली जिल्हाधिकारी कार्यालयासमोर जिल्हय़ातील बहुजन समाज संघटनांनी निषेध व्यक्त केला. यामध्ये जि. प. सदस्य अंकुश जाधव, प्रकाश जाधव, वाय. जी. जाधव, चर्मकार उन्नती मंडळाचे अध्यक्ष नंदन वेंगुर्लेकर आदी सहभागी झाले होते.

Page 1 of 375

  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  Next 
  •  End 
  • »