Tuesday, Jan 23rd

Headlines:

मुंबई

महाराष्ट्र बंद ; ठाण्यात जमावबंदी,औरंगाबादमध्ये इंटरनेट बंद

E-mail Print PDF

मुंबई : भारिप बहुजन महासंघाचे नेते प्रकाश आंबेडकर यांनी आज महाराष्ट्र बंदची हाक दिली आहे. या पार्श्वभूमीवर राज्यात सर्वत्र कडेकोट बंदोबस्त ठेवण्यात आला आहे. नागरिकांनी अफवांवर विश्वास ठेवू नका असे आवाहन पोलिसांनी केले आहे. भीमा-कोरेगावच्या घटनेबद्दल राग आहे, मात्र जनतेने संयम बाळगावा अस; आवाहनही आंबेडकर यांनी केले आहे. मुंबई, पुणे, नागपूर, औरंगाबाद, नगर या शहरांत दगडफेक, रास्ता रोको, तोडफोडीचे काही प्रकार घडले. औरंगाबादामध्ये इंटरनेट बंद ठेवण्यात आला आहे. पूर्व द्रुतगती मार्गासह ठिकठिकाणी रास्ता रोको, गोवंडी-चेंबूर येथे रेल रोको घडल्याने मुंबईची वाहतूक व्यवस्था कोलमडली. आंबेडकरी जनतेचा प्रभाव असलेल्या घाटकोपर, विक्रोळी, मुलुंड, भांडुप, वरळीसह अन्य उपनगरांमधील दुकाने, व्यवहार, व्यवसाय बंद पाडण्यात आला. अनेक ठिकाणी बेस्ट बसेसची तोडफोड करण्यात आली. शहरात सर्वात जास्त तणाव चेंबूर आणि घाटकोपरमध्ये होता. या भ्याड हल्ल्यामागे असलेल्या संभाजी भिडे, मिलिंद एकबोटेंसह अन्य आरोपींविरोधात गुन्हा नोंद होत नाही, त्यांना अटक होत नाही तोवर रस्ता मोकळा करणार नाही, अशी भूमिका घाटकोपर रमाबाई नगर, कामराज नगरातील आंबेडकरी जनतेने घेतली होती. अशाच प्रकारचा रास्तारोको विक्रोळीच्या कन्नमवार नगरात करण्यात आला. चेंबूरमधील आंदोलकांनी चेंबूर नाका येथे सायन-पनवेल मार्ग रोखून धरला. पवईत आयआयटी संकुलासमोर चक्का जाम करण्यात आला. गोवंडी, चेंबूर रेल्वे स्थानकांमध्ये लोकल रोखण्यात आल्या. शहरात मुलुंड, भांडुप, विक्रोळी, घाटकोपर, गोवंडी, मानखुर्द, पवई या भागांमध्ये बेस्ट बसेस, खासगी वाहनांची तोडफोड करण्यात आली. काही ठिकाणी वाहनांच्या टायरमधील हवा काढण्यात आली.

उद्या महाराष्ट्र बंद हाक

E-mail Print PDF
मुंबई : राज्यभरात भीमा कोरेगाव येथे झालेल्या हिंसाचाराचे पडसाद उमटत असून भारिपचे नेते प्रकाश आंबेडकर यांनी याचदरम्यान उद्या महाराष्ट्र बंदची हाक दिली आहे. त्यांनी ही माहिती आज मुंबईत पत्रकार परिषद घेऊन दिली. मी शासनाच्या निषेधार्थ उद्या महाराष्ट्र बंद करण्याचे जाहीर करतो, असेही ते म्हणाले.  प्रकाश आंबेडकर यावेळी बोलताना म्हणाले की, मी ही पत्रकार परिषद संभाजी ब्रिगेडच्या विनंतीवरून घेत असून याला अखिल भारतीय ब्राह्मण सभा, समस्त हिंदु आघाडी आणि पेशव्यांच्या वारसांनी विरोध दर्शविला आणि भीमा कोरेगाव येथील कार्यक्रमाला विरोध केला होता. आम्ही कार्यक्रमापूर्वी अखिल भारतीय हिंदु महासभेबरोबर चर्चा केली, त्यांचा विरोध मावळला होता. गोविंद गायकवाड यांची समाधी उध्वस्त करणार्‍यांम़ध्ये ४९ आरोपी असून ९ जणांना अटक झाली आहे. वडगाव बुद्रुक येथे १ तारखेला १५०० लोक एकत्र करण्यात आली होती. पोलिसांनी याला परवानगी नाकारली होती, पण नंतर पोलीसांनी काळा दिवस साजरा करण्यास परवानगी दिली होती. गावातील लोकांचा याला विरोध झाला, मग याच लोकांनी कोरेगाव स्तंभाकडे येणा-यांवर दगडफेक केली. अशी परिस्थिती हाताळेल असे कोणीही अधिकारी नव्हते. २ वाजता मुख्यमंत्री आणि गृहराज्यमंत्री यांना मी फोन केला, या घटनेची त्यांना कल्पनाच नव्हती. पोलीसांनी यात हलगर्जीपणा केला आहे. स्तंभाकडे येताना लागणार्‍या गावातील घरांच्या गच्चीवर दगड ठेवलेले होते. तिथून दगडफेक करण्यात आली. स्वत:च्या कार्यकर्त्यांना शिवराज प्रतिष्ठान आणि हिंदु एकता आघाडी यांनी दगडफेक करायला लावली आणि गाड्या जाळल्या. कोरेगावपासून शिरुर आणि कोरेगाव आणि चाकणपर्यंच्या गावाचे अनुदान बंद करण्यात यावे. आजही चाकण शिक्रापूर रस्त्यावर अनेक गावातील लोकांनी यांना आश्रय दिला आहे. संभाजी भिडे आणि मिलिंद एकबोटे आणि तिसरे सूत्रधार मांजरीतील घुगे याचे सूत्रधार आहेत, यांचा सरकारने बंदोबस्त करावा. www.konkantoday.com

देशभरातील डॉक्टर आज संपावर

E-mail Print PDF
मुंबई -देशभरातील डॉक्टर आज संपावर, मुंबई आणि ठाण्यातील डॉक्टर आज ब्लॅक डे पाळणार, नॅशनल मेडिकल कमिशन बिलाला डॉक्टरांचा विरोध.

कमला मिल आगप्रकरणी पब मालकांविरोधात सदोष मनुष्यवधाचा गुन्हा

E-mail Print PDF

 

मुंबई : मुंबईतील लोअर परळ येथील कमला मिल कंपाऊंडमधील चार मजली इमारतीच्या तिसऱ्या मजल्यावर काल रात्री साडेबारा वाजता भीषण आग लागली. या आगीत 14 जणांचा होरपळून मृत्यू झाला असून, 12 जण गंभीर जखमी झाले आहेत. याप्रकरणी रेस्टॉरंट आणि पब मालकांविरोधात सदोष मनुष्यवधाचा गुन्हा दाखल करण्यात आला आहे.
कमला मिल कंपाउंडमधील एका इमारतीच्या तिसऱ्या मजल्यावर रात्री भीषण आग लागली. यामध्ये अनेकांना आपले प्राण गमवावे लागले तर अनेक जण गंभीर जखमी झाले. जखमींवर मुंबईतील केईएम रुग्णालयात उपचार सुरू करण्यात आले आहेत, अशी माहिती अग्निशमन दलाच्या सूत्रांकडून देण्यात आली. ही आग आटोक्यात आणण्यासाठी अग्निशमन दलाच्या अनेक गाड्या घटनास्थळी दाखल होत्या. आगीवर नियंत्रण मिळण्यासाठी शर्थीचे प्रयत्न केले जात होते.
कमला मिल कंपाऊंडमधील 'हॉटेल मोजोस ब्रिस्टोल' आणि 'वन-अबव्ह'ला भीषण आग लागली. याप्रकरणी मालक अभिजीत मानका, जिगर संघवी आणि हितेश संघवी यांच्यावर सदोष मनुष्यवधाचा गुन्हा दाखल करण्यात आला आहे.
दरम्यान, राष्ट्रपती रामनाथ कोविंद यांनी ट्विटरवरून या घटनेबाबत चिंता व्यक्त केली. आगीचे वृत्त समजल्यावर खूप चिंता वाटली. यातील बाधित कुटुंबीयांचे सांत्वन करतो. तसेच यामध्ये अडकलेल्यांना बाहेर काढण्यासाठी मदत करणाऱ्या अग्निशमन दलाची त्यांनी प्रशंसा केली.
''या घटनेबद्दल शोक व्यक्त करतो. यामध्ये जखमी झालेले लवकरच बरे व्हावेत अशी प्रार्थना करतो'', असे पंतप्रधान नरेंद्र मोदी यांनी सांगितले.
मुंबई : मुंबईतील लोअर परळ येथील कमला मिल कंपाऊंडमधील चार मजली इमारतीच्या तिसऱ्या मजल्यावर काल रात्री साडेबारा वाजता भीषण आग लागली. या आगीत 14 जणांचा होरपळून मृत्यू झाला असून, 12 जण गंभीर जखमी झाले आहेत. याप्रकरणी रेस्टॉरंट आणि पब मालकांविरोधात सदोष मनुष्यवधाचा गुन्हा दाखल करण्यात आला आहे.
कमला मिल कंपाउंडमधील एका इमारतीच्या तिसऱ्या मजल्यावर रात्री भीषण आग लागली. यामध्ये अनेकांना आपले प्राण गमवावे लागले तर अनेक जण गंभीर जखमी झाले. जखमींवर मुंबईतील केईएम रुग्णालयात उपचार सुरू करण्यात आले आहेत, अशी माहिती अग्निशमन दलाच्या सूत्रांकडून देण्यात आली. ही आग आटोक्यात आणण्यासाठी अग्निशमन दलाच्या अनेक गाड्या घटनास्थळी दाखल होत्या. आगीवर नियंत्रण मिळण्यासाठी शर्थीचे प्रयत्न केले जात होते.कमला मिल कंपाऊंडमधील 'हॉटेल मोजोस ब्रिस्टोल' आणि 'वन-अबव्ह'ला भीषण आग लागली. याप्रकरणी मालक अभिजीत मानका, जिगर संघवी आणि हितेश संघवी यांच्यावर सदोष मनुष्यवधाचा गुन्हा दाखल करण्यात आला आहे.
दरम्यान, राष्ट्रपती रामनाथ कोविंद यांनी ट्विटरवरून या घटनेबाबत चिंता व्यक्त केली. आगीचे वृत्त समजल्यावर खूप चिंता वाटली. यातील बाधित कुटुंबीयांचे सांत्वन करतो. तसेच यामध्ये अडकलेल्यांना बाहेर काढण्यासाठी मदत करणाऱ्या अग्निशमन दलाची त्यांनी प्रशंसा केली.
''या घटनेबद्दल शोक व्यक्त करतो. यामध्ये जखमी झालेले लवकरच बरे व्हावेत अशी प्रार्थना करतो'', असे पंतप्रधान नरेंद्र मोदी यांनी सांगितले.

 

हुक्का पार्लरमुळे कमला मिलमध्ये आग?

E-mail Print PDF
मुंबई : कमला मिल कम्पाउंडमधील 'वन-अबव्ह' पब आणि 'हॉटेल मोजोस ब्रिस्टोल' या दोन्ही पबला शॉर्ट सर्किटमुळे नव्हे तर पबवर असलेल्या अनधिकृत हुक्का पार्लरमुळे आग लागल्याची माहिती समोर आली आहे. या दुर्घटनेत जखमी झालेल्या प्रत्यक्षदर्शींनीच त्याबाबतची माहिती दिली आहे.
आमदार नीतेश राणे यांनीही पबच्या छतावरील अनाधिकृत हुक्का पार्लरमुळेच या दोन्ही पबला आग लागल्याचं टि्वट केलं होतं. राणे यांनी एका प्रत्यक्षदर्शीच्या हवाल्यानं हे टि्वट केलं होतं. त्यामुळे कमला मिलमधील या पबला लागलेल्या आगीबाबत संभ्रम निर्माण झाला होता. मात्र या दुर्घटनेत जखमी झालेले प्रतिक ठाकूर यांनीही हुक्क्यामुळेच पबला आग लागल्याचं सांगून राणे यांच्या म्हणण्याला बळकटी दिली आहे. त्यामुळे हुक्क्यामुळेच आग लागल्याचं स्पष्ट होत असून केवळ पब मालकांना वाचवण्यासाठी शॉर्ट सर्किटमुळे आग लागल्याची थिअरी मांडली जात असल्याचं सूत्रांनी सांगितलं. प्रतिक ठाकूर हे पबला लागलेल्या आगीत गंभीर भाजले असून त्यांच्यावर भाटिया हॉस्पिटलमध्ये उपचार करण्यात येत आहेत.

नवीनकरणीय ऊर्जा खरेदीच्या बंधन पूर्तेतेसाठी महावितरण स्वस्तदरात वीज खरेदी करणार

E-mail Print PDF
मुंबई - महाराष्ट्र विद्युत नियामक आयोगाने ठरवून दिलेल्या नवीनकरणीय ऊर्जा खरेदी बंधनाचे उद्दीष्ट पूर्ती करण्यासाठी आवश्यक ती नुतन वनवीनकरणीय ऊर्जा खरेदी करण्यास महावितरण बांधील आहे. त्यानुसार महावितरणने सौरऊर्जा व पवनऊर्जेच्या वीज खरेदीची प्रक्रिया सुरू केली आहे.
या वीज खरेदीसाठी महावितरणने स्वस्त दरामध्ये वीज उपलब्ध व्हावी म्हणून स्पर्धात्मक निविदा प्रक्रियेचा अवलंब केला आहे.  त्यामुळे ग्राहकांनास्वस्त दरात वीज उपलब्ध होऊ शकेल. महावितरणने 1000 मेगावॅट क्षमेतेची सौरऊर्जा व 500 मेगावॅट क्षमतेची पवनऊर्जा खरेदी करण्याकरिताटीसीआयएल, भारत सरकार उपक्रम संकेतस्थळामार्फत ई-निविदा जाहीर केलेल्या आहेत. या निविदा भारत सरकार, ऊर्जा मंत्रालय यांच्या द्वारे पारितकेलेल्या पारेषण संलग्न सौर व पवन ऊर्जा खरेदी करण्याच्या दरावर आधारीत स्पर्धात्मक बोली प्रक्रिया बाबतच्या मार्गदर्शक तत्वावर आधारित आहेत.
महाराष्ट्र आणि महाराष्ट्राबाहेरील प्रस्तावित किंवा जे प्रकल्प आधीपासून कार्यान्वित झालेले आहेत, परंतु त्यांचे कुठल्याही संस्थेशी दीर्घकालीनवीजखरेदी करार नाहीत आणि जे प्रकल्प लघुकाळासाठी किंवा व्यापारी तत्वावर वीज विकण्यास  विद्यमान ग्राहकांकडे बांधील नाहीत असे वीज उत्पादकया निविदा प्रक्रियेमध्ये सहभागी होवू शकतात. निविदा प्रक्रियेची सविस्तर माहिती http://www.tcil-india-electronictender.com आणि www.mahadiscom.in या संकेतस्थळावर दिनांक 21.12.2017 पासून उपलब्ध आहे. तरी राज्यातील पवन व सौर ऊर्जा प्रकल्पांनी सहभागी होवून याचाफायदा घ्यावा, असे आवाहन महावितरणने केले आहे.
मुंबई - महाराष्ट्र विद्युत नियामक आयोगाने ठरवून दिलेल्या नवीनकरणीय ऊर्जा खरेदी बंधनाचे उद्दीष्ट पूर्ती करण्यासाठी आवश्यक ती नुतन वनवीनकरणीय ऊर्जा खरेदी करण्यास महावितरण बांधील आहे. त्यानुसार महावितरणने सौरऊर्जा व पवनऊर्जेच्या वीज खरेदीची प्रक्रिया सुरू केली आहे.
या वीज खरेदीसाठी महावितरणने स्वस्त दरामध्ये वीज उपलब्ध व्हावी म्हणून स्पर्धात्मक निविदा प्रक्रियेचा अवलंब केला आहे.  त्यामुळे ग्राहकांनास्वस्त दरात वीज उपलब्ध होऊ शकेल. महावितरणने 1000 मेगावॅट क्षमेतेची सौरऊर्जा व 500 मेगावॅट क्षमतेची पवनऊर्जा खरेदी करण्याकरिताटीसीआयएल, भारत सरकार उपक्रम संकेतस्थळामार्फत ई-निविदा जाहीर केलेल्या आहेत. या निविदा भारत सरकार, ऊर्जा मंत्रालय यांच्या द्वारे पारितकेलेल्या पारेषण संलग्न सौर व पवन ऊर्जा खरेदी करण्याच्या दरावर आधारीत स्पर्धात्मक बोली प्रक्रिया बाबतच्या मार्गदर्शक तत्वावर आधारित आहेत.
महाराष्ट्र आणि महाराष्ट्राबाहेरील प्रस्तावित किंवा जे प्रकल्प आधीपासून कार्यान्वित झालेले आहेत, परंतु त्यांचे कुठल्याही संस्थेशी दीर्घकालीनवीजखरेदी करार नाहीत आणि जे प्रकल्प लघुकाळासाठी किंवा व्यापारी तत्वावर वीज विकण्यास  विद्यमान ग्राहकांकडे बांधील नाहीत असे वीज उत्पादकया निविदा प्रक्रियेमध्ये सहभागी होवू शकतात. निविदा प्रक्रियेची सविस्तर माहिती http://www.tcil-india-electronictender.com आणि www.mahadiscom.in या संकेतस्थळावर दिनांक 21.12.2017 पासून उपलब्ध आहे. तरी राज्यातील पवन व सौर ऊर्जा प्रकल्पांनी सहभागी होवून याचाफायदा घ्यावा, असे आवाहन महावितरणने केले आहे.

मुंबई-गोवा महामार्गावर अवजड वाहनांना 29 ते 31 डिसेंबरदरम्यान बंदी

E-mail Print PDF

मुंबई : नववर्ष साजरे करायला जाणाऱया पर्यटकांची गैरसोय टाळण्यासाठी मुंबई-गोवा महामार्गावर अवजड वाहनांना 29 ते 31 डिसेंबरदरम्यान बंदी घालण्यात आली आहे. रायगडचे जिल्हाधिकारी डॉ. विजय सूर्यवंशी यांनी तसे आदेशही जारी केले आहेत. न्यू इअर सेलिब्रेशनसाठी अनेक जण मुंबईबाहेर जाण्याचा प्लॅन करतात. अशावेळी जड वाहनांमुळे प्रचंड गर्दीचा, ट्रफिक जामचा त्रास वाहनचालकांना सहन करावा लागतो. हे टाळण्यासाठी अवजड वाहनांना मुंबई-गोवा महामार्गावर 3 दिवस नो एन्ट्री असणार आहे. नाताळ आणि विकेंड निमित्त कोकणात आणि पुण्याच्या दिशेने जाणाऱया पर्यटकांना मोठय़ प्रमाणात वाहतूक कोंडीला सामोरे जावे लागले होते. यावेळी, मुंबई गोवा हायवेवरील पेण, वडखळ, माणगावदरम्यान वाहनचालकांच्या बेशिस्तीमुळे मोठया प्रमाणात वाहतूक कोंडी झाली होती.यापार्श्वभूमीवर 29 ते 31 अवजड वाहनांना मुंबई -गोवा मार्गावर बंदी घालण्यात आली आहे.

व्होडाफोन आणले दोन नवे अनलिमिटेड डेटा प्लॅन

E-mail Print PDF

मुंबई : दोन नव्या प्लॅनची घोषणा व्होडाफोनने केली असून ग्राहकांना यामध्ये अनलिमिटेड डेटा आणि व्हॉईस कॉलिंग मिळणार आहे. व्होडाफोनने हे प्लॅन रिलायन्स जिओच्या ‘हॅप्पी न्यू ईयर २०१८ प्लॅन’च्या घोषणेनंतर लगेच आणत जिओला जोरदार टक्कर दिली आहे.

१९८चा व्होडाफोनच्या नव्या प्लॅनमध्ये पहिला प्लॅन असून ज्यामध्ये अनलिमिटेड व्हॉईस कॉलिंग, दररोज १०० मेसेज आणि दररोज १GB ४G/३G डेटा मिळणार आहे. या प्लॅनचा लाभ व्होडाफोनच्या केवळ प्रीपेड ग्राहकांनाच घेता येणार आहे. २८ दिवसांची या प्लॅनची व्हॅलिडिटी असेल.

त्याचबरोबर प्रीपेड ग्राहकांसाठी २२९चा व्होडाफोनने प्लॅन आणला आहे. या प्लॅनमध्येही १९८च्या प्लॅनप्रमाणेच सुविधा मिळतील, मात्र १जीबी डेटाऐवजी दररोज २जीबी डेटाची मर्यादा ठेवण्यात आली आहे. म्हणजेच महिन्याला ग्राहकांना ५६जीबी डेटा मिळणार आहे.

‘सौभाग्य’ योजनेमुळे प्रत्येक गरिबांच्या घरांपर्यंत वीज पोहोचणार - देवेंद्र फडणवीस

E-mail Print PDF

 

नागपूर, – स्वातंत्र्यप्राप्तीनंतर प्रत्येक देशवासियांनी हक्काचे घर, पाणी, वीज तसेच शेतीला सिंचणासाठी पाणी उपलब्ध होण्याचे स्वप्न पहिले होते. प्रधानमंत्री नरेंद्र मोदी हे उजाला, प्रधानमंत्री आवास योजना, उज्ज्वला योजना व सौभाग्य योजना तसेच प्रधानमंत्री सिंचाई आदी विविध योजनेच्या माध्यमातून देशवासीयांचे स्वप्न पूर्ण करण्याचे काम करीत आहेत, त्यामुळे खऱ्या अर्थाने हे शासन गरिबांच्या सर्वांगीण विकासाचे असल्याचे प्रतिपादन मुख्यमंत्री देवेंद्र फडणवीस यांनी केले. डॉ. वसंतराव देशपांडे सभागृहात प्रधानमंत्री सहज बिजली, हर घर योजना अर्थात ‘सौभाग्य’ योजनेचे राज्यस्तरीय उद्घाटन मुख्यमंत्री देवेंद्र फडणवीस, केंद्रीय ऊर्जा व नवीकरणीय ऊर्जा राज्यमंत्री आर. के. सिंग आणि भूपृष्ठ वाहतूक मंत्री नितीन गडकरी यांच्या हस्ते झाले, त्याप्रसंगी आयोजित कार्यक्रमात मार्गदर्शन करताना मुख्यमंत्री बोलत होते. ऊर्जा क्रांतीचे प्रतिक ठरणाऱ्या सौभाग्य योजनेमुळे देशातील प्रत्येक घरांना वीज जोडणी देण्यात येणार आहे. गावागावात वीज पोहोचावी, तसेच या योजनेंतर्गत गरिबांना मोफत तर इतरांना केवळ 500 रुपयांत वीज जोडणी देण्याच्या महत्त्वाकांक्षी योजनेचा शुभारंभ झाला असून राज्यातील सुमारे 111 गावातील 2 लक्ष 73 हजार घरांना पारंपारिक तर 21 हजार घरांना अपारंपरिक ऊर्जा डिसेंबर 2018 अखेर पर्यंत पोहचविण्यात येणार आहे.
सौभाग्य योजनेच्या राज्यस्तरीय शुभारंभ कार्यक्रमास राज्याचे ऊर्जा व अपारंपरिक ऊर्जा मंत्री चंद्रशेखर बावनकुळे, खासदार कृपाल तुमाने, खासदार डॉ. विकास महात्मे, आमदार सुधाकर देशमुख, आमदार सुधाकर कोहळे, आमदार गिरीश व्यास, जिल्हा परिषद अध्यक्षा निशाताई सावरकर, ऊर्जा विभागाचे प्रधान सचिव अरविंद सिंह, महावितरणचे अध्यक्ष तथा व्यवस्थापकीय संचालक संजीव कुमार, महाराष्ट्र ऊर्जा विकास अभिकरणचे महासंचालक राजाराम माने, विभागीय आयुक्त अनुप कुमार, महाजनकोचे व्यवस्थापकीय संचालक बिपीन श्रीमाळी, महापारेषणचे राजीवकुमार मित्तल आदी वरिष्ठ अधिकारी उपस्थित होते.
फिडर सेपरेशन, दिन दयाळ ग्रामज्योती विद्युतीकरण योजना तसेच आयपीडीएस आदी योजनांसाठी केंद्र शासनाच्यावतीने दोन हजार कोटी रुपयांच्या निधीची मागणी करण्यात आली आहे. ती केंद्रीय ऊर्जा राज्यमंत्र्यांनी मान्य केल्यामुळे शेतकऱ्यांना दिवसा 12 तास वीज तसेच वीज वितरण यंत्रणा अधिक सक्षम करण्यासाठी सहाय्य होणार असल्याचेही मुख्यमंत्री देवेंद्र फडणवीस यांनी सांगितले.
सौभाग्य योजनेतून गडचिरोलीसारख्या अतिदुर्गम भागातील कुटुंबाच्या घरांपर्यंत वीज पोहचली असून त्यांना विजेचे जोडणीचे प्रमाणपत्र देताना त्यांच्या चेहऱ्यावर आनंद व्यक्त होत आहे. त्यामुळे गरिबांपर्यंत विकास व प्रगती पोहोचविण्यासाठी शासन राबवीत असलेल्या योजनांबद्दल सांगताना मुख्यमंत्री पुढे म्हणाले की, राज्यातील महावितरण कंपनीतर्फे माहिती व तंत्रज्ञानाचा प्रभावी वापर करून ग्राहकांना अत्यंत पारदर्शक व चांगली सेवा देण्यासोबतच कामकाजात सुलभता व प्रभावीपणे कार्यशैली वाढविण्यावर विशेष भर देण्यात येत आहे. या सेवेचा ग्राहकांना चांगला लाभ मिळणार असल्याचेही यावेळी सांगितले.
केंद्रीय मंत्री नितीन गडकरी
सौभाग्य योजनेमुळे विकास व प्रगतीपासून वंचित राहिलेल्या कुटुंबांपर्यंत वीज पोहोचणार असून शेतकऱ्यांनाही सिंचनासाठी विजेचे कनेक्शन देण्याच्या राज्य शासनाच्या महत्त्वाकांक्षी उपक्रमाचा विशेष उल्लेख करताना केंद्रीय भूपृष्ठ वाहतूक मंत्री नितीन गडकरी म्हणाले की, ऊर्जा निर्मितीसाठी सिंचनाच्या पाण्याचा वापर न करता पुनर्वापर केलेले पाणी वापरल्यास शेतीला सिंचनाचा लाभ मिळू शकेल. गंगा नदी शुद्धीकरण प्रकल्प अंतर्गत निर्माण झालेले पाणी केंद्रीय ऊर्जा विभागाने थर्मल पॉवर स्टेशनसाठी वापरावे. प्रदूषण टाळण्यासाठी 25 वर्षांपेक्षा जास्त जुने असलेले प्रकल्प बदलवून त्याऐवजी अत्याधुनिक तंत्रज्ञानाचा वापर करून वीज निर्मिती करावी, अशी सूचना यावेळी त्यांनी केली.
विजेच्या जास्तीत जास्त वापर करण्याच्या दृष्टीने विजेवर चालणारी वाहनानाचे संशोधन व वापरला प्रोत्साहन देण्यात येत असल्याचे सांगताना केंद्रीय मंत्री श्री. गडकरी म्हणाले की, वीज तसेच इथेनॉलसारख्या बायो-इंधनाचा वापर केल्यास मोठ्या प्रमाणात परकीय चलन वाचणार आहे. ग्रीन बस इथेनॉलवर चालविण्यात येत असून त्यासोबतच मोटारसायकल सुद्धा इथेनॉलवर येणार आहे. विजेच्या जास्तीत जास्त वापरासंदर्भात बोलताना ते म्हणाले की, प्रत्येक ठिकाणी विजेवरील वाहनाच्या चार्जिंग स्टेशनची सुविधा झाल्यास विजेवरील वाहनांचा वापर वाढेल. समृद्धी महामार्गावर वीज वाहणी टाकल्यास ट्रक सुध्दा विजेवर चालू शकतील, असा विश्वासही त्यांनी यावेळी व्यक्त केला.
केंद्रीय ऊर्जा राज्यमंत्री आर. के. सिंग
गरिबांना मोफ वीज जोडणी देण्याचा संकल्प प्रधानमंत्री नरेंद्र मोदी यांनी केला असून त्यासाठी सौभाग्य योजना सुरु करण्यात आली आहे. ज्या गावात अद्याप वीज पोहचली नाही, तेथे वीज पोहचविण्याचे काम गतीने सुरु आहे. त्यासाठी विद्युत वितरण यंत्रणेचे सक्षमीकरण केले जात आहे, तसेच नवीकरणीय विद्युत निर्मितीसाठी 28 हजार कोटींचा ग्रीन कॉरिडोर बनविण्यात येत आहे.
महाराष्ट्रातील फिडर सेपरेशन, दीनदयाळ ग्रामज्योती योजना व विद्युत वितरण यंत्रणा सक्षमीकरण (आयपीडीएस)साठी राज्याचे ऊर्जामंत्री चंद्रशेखर बावनकुळे यांनी 4 हजार 600 कोटी रुपये निधीची मागणी केंद्राकडे केली असून त्यासंदर्भातील प्रस्ताव केंद्र शासनाला प्राप्त झाला आहे. त्यापैकी 2 हजार कोटी रुपये मागणीच्या प्रस्तावसंदर्भात बोलताना केंद्रीय ऊर्जा राज्यमंत्री सिंग यांनी कालबद्ध कार्यक्रमानुसार योजना पूर्ण करण्यासाठी सहाय्य देण्याचा प्रस्ताव मान्य करण्यात आला असल्याचे सांगितले. नवीकरणीय ऊर्जा विकासाठी देशात प्राधान्य असून सध्या 60 हजार मेगावॉट वीज तयार होत असून 2022 पर्यंत 2 लक्ष मेगावॉट वीज निर्माण करण्याचे लक्ष असल्याचे त्यांनी सांगितले.
ऊर्जामंत्री चंद्रशेखर बावनकुळे
विजेच्या बाबतीत महाराष्ट्र स्वयंपूर्ण करण्याच्या दृष्टीने वीज निर्मितीची क्षमता वाढविण्यात आली असल्याचे सांगताना ऊर्जामंत्री बावनकुळे म्हणाले की, 3 हजार 250 मेगावॉट क्षमता वाढविण्यात आली असून 30 ते 35 वर्षांपेक्षा जास्त जुने झालेले ऊर्जानिर्मिती प्रकल्पाच्या जागी अत्याधुनिक प्रकल्प बसविण्यात येत असून भुसावळ येथे 660 मेगावॉट क्षमतेच संचाचे तसेच इतर प्रकल्पांमधून १ हजार ६०० मेगावॉट वीज निमिर्ती करण्याचे लक्ष आहे.
राज्यात 30 हजार मेगावॉट क्षमता वाढविण्याच्या दृष्टीने दिनदयाळ ग्रामज्योती विद्युतीकरण योजना, फिडर सेपरेशन व आयपीडीएस अंतर्गत केंद्राकडे 10 हजार कोटींची मागणी केली आहे. यानुसार 4 हजार 600 कोटी रुपये तत्काळ मिळावेत. तसेच 2 हजार कोटी वाढवून देण्याची मागणी केंद्रीय ऊर्जा राज्यमंत्र्यांना यावेळी करण्यात आली. सौरउर्जेच्या बाबतीतही येत्या पाच वर्षात प्रत्येक कृषिपंप सौरउर्जेवर आणण्याची योजना असल्याचे त्यांनी सांगितले.
यावेळी ऊर्जा विभागाचे प्रधान सचिव अरविंद सिंह तसेच महावितरणचे व्यवस्थापकीय संचालक संजीव कुमार यांनी मनोगत व्यक्त केले. सौभाग्य योजनेंतर्गत गडचिरोली सारख्या आदिवासी गावांमध्ये राहणाऱ्या पाच लाभार्थ्यांना वीज जोडणीचे प्रमाणपत्र देण्यात आले. तसेच केंद्रीय भूपृष्ठ वाहतूक मंत्री नितीन गडकरी यांच्या हस्ते महावितरणच्या जागेवर सुरु करण्यात आलेल्या चार्जिंग स्टेशनचे उद्घाटन तसेच मुख्यमंत्री देवेंद्र फडणवीस यांच्या हस्ते डिजिटल इंडिया अंतर्गत सुरु करण्यात आलेल्या ‘डिजीटल महावितरण’ अंतर्गत कर्मचा-यांकरिता सुरु करण्यात आलेल्या डॅशबोर्ड आणि इतरही विविध उक्रमांचा शुभारंभ यावेळी करण्यात आला. महाराष्ट्र ऊर्जा विकास अभिकरणचे महासंचालक राजाराम माने यांनी आभार मानले. यावेळी महावितरण, महानिर्मिती, महापारेषण, महाऊर्जा या चारही कंपन्यांचे संचालक, वरिष्ठ अधिकारी, अभियंते, कर्मचारी व नागरिक मोठ्या संख्येने उपस्थित होते. यावेळी सौभाग्य योजनेंतर्गत गडचिरोली जिल्ह्याच्या अतिदुर्गम भागातील वीज जोडणी मिळालेल्या नागरिकांना उपस्थित मान्यवरांच्या हस्ते वीज जोडणी प्रमाणपत्र प्रदान करून सन्मानित करण्यात आले.
नागपूर, – स्वातंत्र्यप्राप्तीनंतर प्रत्येक देशवासियांनी हक्काचे घर, पाणी, वीज तसेच शेतीला सिंचणासाठी पाणी उपलब्ध होण्याचे स्वप्न पहिले होते. प्रधानमंत्री नरेंद्र मोदी हे उजाला, प्रधानमंत्री आवास योजना, उज्ज्वला योजना व सौभाग्य योजना तसेच प्रधानमंत्री सिंचाई आदी विविध योजनेच्या माध्यमातून देशवासीयांचे स्वप्न पूर्ण करण्याचे काम करीत आहेत, त्यामुळे खऱ्या अर्थाने हे शासन गरिबांच्या सर्वांगीण विकासाचे असल्याचे प्रतिपादन मुख्यमंत्री देवेंद्र फडणवीस यांनी केले. डॉ. वसंतराव देशपांडे सभागृहात प्रधानमंत्री सहज बिजली, हर घर योजना अर्थात ‘सौभाग्य’ योजनेचे राज्यस्तरीय उद्घाटन मुख्यमंत्री देवेंद्र फडणवीस, केंद्रीय ऊर्जा व नवीकरणीय ऊर्जा राज्यमंत्री आर. के. सिंग आणि भूपृष्ठ वाहतूक मंत्री नितीन गडकरी यांच्या हस्ते झाले, त्याप्रसंगी आयोजित कार्यक्रमात मार्गदर्शन करताना मुख्यमंत्री बोलत होते. ऊर्जा क्रांतीचे प्रतिक ठरणाऱ्या सौभाग्य योजनेमुळे देशातील प्रत्येक घरांना वीज जोडणी देण्यात येणार आहे. गावागावात वीज पोहोचावी, तसेच या योजनेंतर्गत गरिबांना मोफत तर इतरांना केवळ 500 रुपयांत वीज जोडणी देण्याच्या महत्त्वाकांक्षी योजनेचा शुभारंभ झाला असून राज्यातील सुमारे 111 गावातील 2 लक्ष 73 हजार घरांना पारंपारिक तर 21 हजार घरांना अपारंपरिक ऊर्जा डिसेंबर 2018 अखेर पर्यंत पोहचविण्यात येणार आहे.
सौभाग्य योजनेच्या राज्यस्तरीय शुभारंभ कार्यक्रमास राज्याचे ऊर्जा व अपारंपरिक ऊर्जा मंत्री चंद्रशेखर बावनकुळे, खासदार कृपाल तुमाने, खासदार डॉ. विकास महात्मे, आमदार सुधाकर देशमुख, आमदार सुधाकर कोहळे, आमदार गिरीश व्यास, जिल्हा परिषद अध्यक्षा निशाताई सावरकर, ऊर्जा विभागाचे प्रधान सचिव अरविंद सिंह, महावितरणचे अध्यक्ष तथा व्यवस्थापकीय संचालक संजीव कुमार, महाराष्ट्र ऊर्जा विकास अभिकरणचे महासंचालक राजाराम माने, विभागीय आयुक्त अनुप कुमार, महाजनकोचे व्यवस्थापकीय संचालक बिपीन श्रीमाळी, महापारेषणचे राजीवकुमार मित्तल आदी वरिष्ठ अधिकारी उपस्थित होते.
फिडर सेपरेशन, दिन दयाळ ग्रामज्योती विद्युतीकरण योजना तसेच आयपीडीएस आदी योजनांसाठी केंद्र शासनाच्यावतीने दोन हजार कोटी रुपयांच्या निधीची मागणी करण्यात आली आहे. ती केंद्रीय ऊर्जा राज्यमंत्र्यांनी मान्य केल्यामुळे शेतकऱ्यांना दिवसा 12 तास वीज तसेच वीज वितरण यंत्रणा अधिक सक्षम करण्यासाठी सहाय्य होणार असल्याचेही मुख्यमंत्री देवेंद्र फडणवीस यांनी सांगितले.
सौभाग्य योजनेतून गडचिरोलीसारख्या अतिदुर्गम भागातील कुटुंबाच्या घरांपर्यंत वीज पोहचली असून त्यांना विजेचे जोडणीचे प्रमाणपत्र देताना त्यांच्या चेहऱ्यावर आनंद व्यक्त होत आहे. त्यामुळे गरिबांपर्यंत विकास व प्रगती पोहोचविण्यासाठी शासन राबवीत असलेल्या योजनांबद्दल सांगताना मुख्यमंत्री पुढे म्हणाले की, राज्यातील महावितरण कंपनीतर्फे माहिती व तंत्रज्ञानाचा प्रभावी वापर करून ग्राहकांना अत्यंत पारदर्शक व चांगली सेवा देण्यासोबतच कामकाजात सुलभता व प्रभावीपणे कार्यशैली वाढविण्यावर विशेष भर देण्यात येत आहे. या सेवेचा ग्राहकांना चांगला लाभ मिळणार असल्याचेही यावेळी सांगितले.
सौभाग्य योजनेमुळे विकास व प्रगतीपासून वंचित राहिलेल्या कुटुंबांपर्यंत वीज पोहोचणार असून शेतकऱ्यांनाही सिंचनासाठी विजेचे कनेक्शन देण्याच्या राज्य शासनाच्या महत्त्वाकांक्षी उपक्रमाचा विशेष उल्लेख करताना केंद्रीय भूपृष्ठ वाहतूक मंत्री नितीन गडकरी म्हणाले की, ऊर्जा निर्मितीसाठी सिंचनाच्या पाण्याचा वापर न करता पुनर्वापर केलेले पाणी वापरल्यास शेतीला सिंचनाचा लाभ मिळू शकेल. गंगा नदी शुद्धीकरण प्रकल्प अंतर्गत निर्माण झालेले पाणी केंद्रीय ऊर्जा विभागाने थर्मल पॉवर स्टेशनसाठी वापरावे. प्रदूषण टाळण्यासाठी 25 वर्षांपेक्षा जास्त जुने असलेले प्रकल्प बदलवून त्याऐवजी अत्याधुनिक तंत्रज्ञानाचा वापर करून वीज निर्मिती करावी, अशी सूचना यावेळी त्यांनी केली.
विजेच्या जास्तीत जास्त वापर करण्याच्या दृष्टीने विजेवर चालणारी वाहनानाचे संशोधन व वापरला प्रोत्साहन देण्यात येत असल्याचे सांगताना केंद्रीय मंत्री श्री. गडकरी म्हणाले की, वीज तसेच इथेनॉलसारख्या बायो-इंधनाचा वापर केल्यास मोठ्या प्रमाणात परकीय चलन वाचणार आहे. ग्रीन बस इथेनॉलवर चालविण्यात येत असून त्यासोबतच मोटारसायकल सुद्धा इथेनॉलवर येणार आहे. विजेच्या जास्तीत जास्त वापरासंदर्भात बोलताना ते म्हणाले की, प्रत्येक ठिकाणी विजेवरील वाहनाच्या चार्जिंग स्टेशनची सुविधा झाल्यास विजेवरील वाहनांचा वापर वाढेल. समृद्धी महामार्गावर वीज वाहणी टाकल्यास ट्रक सुध्दा विजेवर चालू शकतील, असा विश्वासही त्यांनी यावेळी व्यक्त केला.
केंद्रीय ऊर्जा राज्यमंत्री आर. के. सिंग
गरिबांना मोफ वीज जोडणी देण्याचा संकल्प प्रधानमंत्री नरेंद्र मोदी यांनी केला असून त्यासाठी सौभाग्य योजना सुरु करण्यात आली आहे. ज्या गावात अद्याप वीज पोहचली नाही, तेथे वीज पोहचविण्याचे काम गतीने सुरु आहे. त्यासाठी विद्युत वितरण यंत्रणेचे सक्षमीकरण केले जात आहे, तसेच नवीकरणीय विद्युत निर्मितीसाठी 28 हजार कोटींचा ग्रीन कॉरिडोर बनविण्यात येत आहे.
महाराष्ट्रातील फिडर सेपरेशन, दीनदयाळ ग्रामज्योती योजना व विद्युत वितरण यंत्रणा सक्षमीकरण (आयपीडीएस)साठी राज्याचे ऊर्जामंत्री चंद्रशेखर बावनकुळे यांनी 4 हजार 600 कोटी रुपये निधीची मागणी केंद्राकडे केली असून त्यासंदर्भातील प्रस्ताव केंद्र शासनाला प्राप्त झाला आहे. त्यापैकी 2 हजार कोटी रुपये मागणीच्या प्रस्तावसंदर्भात बोलताना केंद्रीय ऊर्जा राज्यमंत्री सिंग यांनी कालबद्ध कार्यक्रमानुसार योजना पूर्ण करण्यासाठी सहाय्य देण्याचा प्रस्ताव मान्य करण्यात आला असल्याचे सांगितले. नवीकरणीय ऊर्जा विकासाठी देशात प्राधान्य असून सध्या 60 हजार मेगावॉट वीज तयार होत असून 2022 पर्यंत 2 लक्ष मेगावॉट वीज निर्माण करण्याचे लक्ष असल्याचे त्यांनी सांगितले.
ऊर्जामंत्री चंद्रशेखर बावनकुळे
विजेच्या बाबतीत महाराष्ट्र स्वयंपूर्ण करण्याच्या दृष्टीने वीज निर्मितीची क्षमता वाढविण्यात आली असल्याचे सांगताना ऊर्जामंत्री बावनकुळे म्हणाले की, 3 हजार 250 मेगावॉट क्षमता वाढविण्यात आली असून 30 ते 35 वर्षांपेक्षा जास्त जुने झालेले ऊर्जानिर्मिती प्रकल्पाच्या जागी अत्याधुनिक प्रकल्प बसविण्यात येत असून भुसावळ येथे 660 मेगावॉट क्षमतेच संचाचे तसेच इतर प्रकल्पांमधून १ हजार ६०० मेगावॉट वीज निमिर्ती करण्याचे लक्ष आहे.
राज्यात 30 हजार मेगावॉट क्षमता वाढविण्याच्या दृष्टीने दिनदयाळ ग्रामज्योती विद्युतीकरण योजना, फिडर सेपरेशन व आयपीडीएस अंतर्गत केंद्राकडे 10 हजार कोटींची मागणी केली आहे. यानुसार 4 हजार 600 कोटी रुपये तत्काळ मिळावेत. तसेच 2 हजार कोटी वाढवून देण्याची मागणी केंद्रीय ऊर्जा राज्यमंत्र्यांना यावेळी करण्यात आली. सौरउर्जेच्या बाबतीतही येत्या पाच वर्षात प्रत्येक कृषिपंप सौरउर्जेवर आणण्याची योजना असल्याचे त्यांनी सांगितले.
यावेळी ऊर्जा विभागाचे प्रधान सचिव अरविंद सिंह तसेच महावितरणचे व्यवस्थापकीय संचालक संजीव कुमार यांनी मनोगत व्यक्त केले. सौभाग्य योजनेंतर्गत गडचिरोली सारख्या आदिवासी गावांमध्ये राहणाऱ्या पाच लाभार्थ्यांना वीज जोडणीचे प्रमाणपत्र देण्यात आले. तसेच केंद्रीय भूपृष्ठ वाहतूक मंत्री नितीन गडकरी यांच्या हस्ते महावितरणच्या जागेवर सुरु करण्यात आलेल्या चार्जिंग स्टेशनचे उद्घाटन तसेच मुख्यमंत्री देवेंद्र फडणवीस यांच्या हस्ते डिजिटल इंडिया अंतर्गत सुरु करण्यात आलेल्या ‘डिजीटल महावितरण’ अंतर्गत कर्मचा-यांकरिता सुरु करण्यात आलेल्या डॅशबोर्ड आणि इतरही विविध उक्रमांचा शुभारंभ यावेळी करण्यात आला. महाराष्ट्र ऊर्जा विकास अभिकरणचे महासंचालक राजाराम माने यांनी आभार मानले. यावेळी महावितरण, महानिर्मिती, महापारेषण, महाऊर्जा या चारही कंपन्यांचे संचालक, वरिष्ठ अधिकारी, अभियंते, कर्मचारी व नागरिक मोठ्या संख्येने उपस्थित होते. यावेळी सौभाग्य योजनेंतर्गत गडचिरोली जिल्ह्याच्या अतिदुर्गम भागातील वीज जोडणी मिळालेल्या नागरिकांना उपस्थित मान्यवरांच्या हस्ते वीज जोडणी प्रमाणपत्र प्रदान करून सन्मानित करण्यात आले.

 

Page 1 of 168

  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  Next 
  •  End 
  • »