Sunday, Feb 18th

Headlines:

सिंधुदुर्ग

सिंधुदुर्गमध्ये पोलिसांची गस्तीनौका बुडाली

E-mail Print PDF
सिंधुदुर्ग-सिंधुदुर्गमध्ये पोलिसांची गस्तीनौका बुडाली. पोलिसांची सिंधू 5 ही नौका बुडाली. लाटांच्या तडाख्याने पाणी शिरल्याने बोट बुडाली.

ओखी वादळाच्या पार्श्वभूमीवर सिंधुदुर्ग समुद्र किनार्‍यावर केरळ आणि तामीळनाडुच्या नौका दाखल

E-mail Print PDF
सिंधुदुर्ग :-ओखी वादळाचा मोठा फटका केरळ आणि तामिळनाडूतील मच्छीमारांना बसला आहे. या वादळामुळे अनेक मच्छीमार बेपत्ता असल्याचे सांगण्यात येत आहे. सिंधुदुर्ग समुद्र किनार्‍यावर केरळ आणि तामीळनाडुच्या एकूण ६८ नौका पोहचल्या आहेत. ज्यामध्ये ६६ नौका या केरळच्या तर दोन नौका तामीळनाडुच्या आहेत. यामध्ये ९५२ मच्छीमार आहेत. हे सर्व मच्छीमार सुरक्षित आहेत .

चक्रीवादळाचा प्रभाव सिंधुदुर्ग जिल्ह्याच्या किनारपट्टीवर

E-mail Print PDF
सिंधुदुर्ग :-चक्रीवादळाचा प्रभाव सिंधुदुर्ग जिल्ह्याच्या किनारपट्टीवर जाणवू लागला आहे. शनिवारी समुद्रात वादळसदृश परिस्थिती निर्माण झाली होती. वेधशाळेने ताशी ४० ते ५० किलोमीटर वेगाने वारे वाहणार असल्याचा इशारा दिल्यानंतर बंदर विभागाने मच्छीमारांना समुद्रात न जाण्याच्या सूचना दिल्या आहेत.

कणकवली तालुक्यातील बालवैज्ञानिकांनी नावीन्यपूर्ण प्रतिकृती बनवाव्यात-आमदार नीतेश राणे

E-mail Print PDF
कणकवली - कणकवली तालुक्यातील बालवैज्ञानिकांनी नावीन्यपूर्ण प्रतिकृती बनवाव्यात, ज्या देशाच्या प्रगतीस चालना मिळणा-या असाव्यात. कणकवली तालुक्यातील बालवैज्ञानिकांनी बनविलेल्या प्रतिकृती वाखाणण्याजोग्या असून भविष्यात या मुलांमधूनच वैज्ञानिक घडावेत यासाठी प्रयत्न करा, असे प्रतिपादन आमदार नितेश राणे यांनी केले. कणकवली तालुकास्तरीय विज्ञान प्रदर्शनाच्या समारोप व बक्षीस वितरण समारंभाच्या वेळी ते बोलत होते. यावेळी जिल्हा परिषदेचे शिक्षण व आरोग्य सभापती प्रितेश राऊळ, कणकवली सभापती भाग्यलक्ष्मी साटम, उपसभापती दिलीप तळेकर, जि. प. सदस्य श्रीया सावंत, पं. स. सदस्य प्रकाश पारकर, मिलिंद मेस्त्री, हर्षदा वाळके, गटविकास अधिकारी मनोज भोसले, गटशिक्षणाधिकारी संदेश किंजवडेकर, बिडवाडी पंचक्रोशी शिक्षण संस्था मुंबईचे अध्यक्ष मधुकर वाडेकर, कार्याध्यक्ष विजयराव चव्हाण, शालेय समिती अध्यक्ष अभिमन्यू लाड, विज्ञान प्रदर्शन नियोजन समितीचे अध्यक्ष आनंदराव साटम आदी मान्यवर उपस्थित होते. राणे पुढे म्हणाले, विज्ञान प्रदर्शनासाठी शासनाकडून मिळणारा निधी फारच अपुरा आहे. पंचायत समिती, जिल्हा परिषद स्तरावरून विज्ञान प्रदर्शनासाठी जास्तीत-जास्त निधी उपलब्ध करून देण्यासाठी लक्ष घालून विज्ञान प्रदर्शन भव्य-दिव्य होण्यासाठी प्रयत्न केले जातील.

दक्षिण काशी म्हणून ओळखल्या जाणार्या आंगणेवाडीची यात्रा जानेवारी २७ पासुन

E-mail Print PDF
सावंतवाडी : जानेवारीच्या २७ तारखेपासून लाखो भक्तांचे श्रद्धास्थान आंगणेवाडीच्या श्री भराडी देवीची यात्रा भरणार आहे. यात्रेची तारीख निश्चित करण्यासाठी काही दिवसांपूर्वी प्रथेप्रमाणे पारध करण्यात आली. त्यानंतर देवीला प्रसाद लावण्यात आला. यावर्षीही यात्रोत्सवात १० लाखांहून अधिक भाविक हजेरी लावतील असा अंदाज आहे.  जत्रोत्सवाची तारीख देवीने दिलेल्या आदेशानुसार निश्चित झाली आहे. सिंधुदुर्ग जिल्ह्यासह संपूर्ण महाराष्ट्राचे लक्ष भराडी देवी जत्रोत्सवाच्या तारीख निश्चितीकडे लागून होते. कोकणात जाणा-या गाड्यांचे तिकीट बुकिंग करण्यासाठी मोठी गर्दी उसळते. दरवर्षी गर्दीचे नवनवे उच्चांक गाठणा-या यात्रोत्सवात यावर्षीही १० लाखांहून अधिक भाविक हजेरी लावतील असा अंदाज आहे. शनिवार २७ जानेवारी २०१८ रोजी दक्षिण कोकणची काशी म्हणून प्रसिद्ध असलेल्या मालवण तालुक्यातील आंगणेवाडी येथील श्री देवी भराडीची यात्रा होणार आहे. आंगणेवाडी यात्रेच्या तारखेत कधीही बदल होत नाही. त्यामुळे अफवांवर विश्वास ठेवू नये असे आगणे कुटुंबिय आणि आंगणेवाडी ग्रामस्थ यांच्यावतीने नरेश आगणे यांनी जाहीर केले आहे.

Page 9 of 678