Tuesday, Nov 21st

Headlines:

रत्नागिरी

वाहनाच्या धडकेत वृध्दाचा मृत्यू

E-mail Print PDF
खेड (प्रतिनिधी) - मुंबई- गोवा महामार्गावरील तालुक्यातील नातूनगर वावेफाटा येथे अज्ञात वाहनाच्या धडकेत वृध्दाचा जागीच मृत्यू झाल्याची घटना रविवारी सकाळी घडली असल्याची खबर कसबा नातू येथील पोलीस पाटील नितीन जयवंत बेलोसे यांनी येथील पोलीस स्थानकात दिली आहे. सीताराम धाकू कांगणे (७५, रा. कळंबणी गावडेवाडी) असे या जागीच मृत्यू झालेल्या वृध्दाचे नाव आहे.

शिरगांव येथे मत्स्यसंवर्धन आणि व्यवस्थापनबाबत प्रशिक्षण

E-mail Print PDF
रत्नागिरी ः शहरालगतच्या शिरगांव येथील मत्स्य महाविद्यालयामध्ये शेततळ्यांमधील मत्स्य संवर्धन आणि व्यवस्थापन या विषयावर पाच दिवसीय प्र्रशिक्षण कार्यक्रमाला दि. २१ नोव्हेंबरपासून सुरूवात होणार आहे. या प्रशिक्षणामध्ये मत्स्य विद्याशाखेमधील मार्गदर्शन करणार आहेत.
प्रशिक्षण कार्यक्रमामध्ये मत्स्यसंवर्धनासाठी आवश्यक शेततळे, मत्स्यसंवर्धन बीज संगोपन आदी महत्वाच्या गोष्टींवर मार्गदर्शन करण्यात एणार आहे. त्याचप्रमाणे केंद्र व राज्य सरकारच्या विविध योजनांचीही माहिती देण्यात येणार आहे. हे प्रशिक्षण सशुल्क असून सहभारी होवू इच्छिणार्‍यांनी नाव नोंदणी करणे आवश्यक आहे. दि. २१ नोव्हेंबर ते २५ नोव्हेंबर या कालावधीत होणार्‍या या प्रशिक्षणासाठी अधिक माहितीसाठी डॉ. एस. डी. नाईक (८२७५४५४८२१), डॉ. बी. आर. चव्हाण (७३८७३२६९८४), यांच्याशी संपर्क साधावा असे आवाहन करण्यात आले आहे.

खेडचा कचरा प्रश्‍न सुटणार, बायोगॅस प्रकल्प होणार कार्यान्वित

E-mail Print PDF
खेड ः शहरात प्रतिदिन गोळा होणार्‍या ओल्या कचर्‍याची विल्हेवाट लावण्यासाठी २५ लाख रुपये खर्च करूनही धुळ खात पडलेल्या बायोगॅस प्रकल्प कार्यान्वित होण्याची चिन्हे निर्माण झघली आहेत. नगराध्यक्ष वैभव खेडेकर व पुण्यातील अधिकार्‍यांनी नुकतीच बंद अवस्थेतील बायोगॅस प्रकल्पाची पाहणी करून लवकरच प्रकल्प सुरू करण्याच्या दृष्टीने सूचना दिल्या.
शहरातील कचरा प्रश्‍न दिवसेंदिवस गंभीर बनत चालला आहे. जागेअभावी कचरा प्रकल्प लालफितीतच धुळ खात पडला आहे. नगर प्रशासनाकडून कचरा प्रकल्पाच्या जागेसाठी सुरू असलेले सारे प्रयत्न फोलच ठरत आहेत. यावर पर्याय म्हणून बागोयॅस प्रकल्पाची उभारणी करण्याचा निर्णय भाभा अणू संशोधनाचे ज्येष्ठ शास्त्रज्ञ शरद काळे यांच्या मार्गदर्शनाखाली २०१० मध्ये घेण्यात आला. या प्रकल्पासाठी शासनाकडून २५ लाख रुपयांचा निधी उपलब्ध होताच नगर परिषद रूग्णालयाच्या मागील बाजूस असलेल्या मोकळ्या जागेत या प्रकल्पाची उभारणी करण्यात आली.

आमचा कारभार पारदर्शक; विशेष सभा बोलावणारच ः राहुल पंडित

E-mail Print PDF
रत्नागिरी ः ट्रक टर्मिनलसाठी आरक्षित असलेली जागा विकासकांना देण्याच्या पालिकेच्या निर्णयाला विरोध करत भाजप, राष्ट्रवादीने या विषयावर चर्चा करण्यासाठी विशेष सभेची मागणी केली होती. ही मागणी नगराध्यक्ष राहुल पंडित यांनी मान्य केली असून येत्या पंधरा दिवसात विशेष समितीचे आयोजन करण्यात यणार असल्याची माहिती श्री. राहुल पंडित यांनी दिली.
साळवी स्टॉप येथील ट्रक टर्मिनलसाठी आरक्षण ठेवण्यात आले होते. सुमारे १६१ गुंठे जागेवर ट्रक टर्मिनलची उभारणी करण्यात येणार होती. परंतु पालिकेकडे पैसे नसल्याने आरक्षण विकसित करण्यात आले नव्हते.
शासनाच्या सुधारित आदेशानुसार आरक्षित जागा मूळ मालकाला विकासासाठी देवून निम्मी जागा परत देण्याचा निर्णय घेण्यात आला होता. या शासन निर्णयाचा आधार घेऊन तत्कालीन नगराध्यक्ष महेंद्र मयेकर यांनी ट्रक टर्मिनलची जागा विकासकाला देण्याचा ठराव मंजूर केला होता. परंतु प्रथम ट्रक टर्मिनलकडे उभारणी करून त्यानंतर उर्वरित जागा विकसित करण्याची अट घालण्यात आली होती. त्यानंतर श्री. मयेकर यांचा कालावधी संपुष्टात आला. परंतु प्रशासनाने पालिकेच्या ठरावावर कार्यवाही केली. तर शासनाच्या नगरविकास खात्याने त्याला मान्यता दिली.

जागा मालकांसह व्यापार्‍यांना चौपट दर द्या ः शौकतभाई मुकादम

E-mail Print PDF
लांजा ः मुंबई गोवा महामार्ग चौपदरीकरणामुळे बाधित होणार्‍या प्रकल्पग्रस्तांना चारपट मोबदला द्यावा अन्यथा आम्हाला संघषं करावा लागेल, असा इशारा लांजा प्रकल्पबाधित कृती समितीने दिला आहे. अन्याय निवारण समितीचे प्रमुख शौकतभाई मुकादम यांनी लांजावासियांना आधार देत त्यांच्या लढ्यात उतरण्याची ग्वाही दिली. जोपर्यंत आम्हाला चारपट मोबदला मिळत नाही तोपर्यंत संघर्ष सुरूच ठैवण्याचा निर्धार शौकतभाई मुकादम यांनी व्यक्त केला.

Page 2 of 3208