Wednesday, Feb 21st

Headlines:

रत्नागिरी

आय.टी.आय.ची परीक्षा रत्नागिरी केंद्रावरच होणार

E-mail Print PDF
रत्नागरी ः शिवसेनेच्या दणक्यानंतर आयटीआयने तत्काळ परीक्षा केंद्र बदलण्याचा निर्णय घेतला असून आज रत्नागिरीतील केंद्रांवर ही ऑनलाईन परीक्षा पार पडणार आहे.
या परीक्षेचे केंद्र वेळणेश्‍वर गुहागर येथे घेण्यात आले होते परंतु शनिवारी शहरात कालते व फिनोलेक्स कॉलेज येथे प्रशस्त सुविधा असून देखील वेळणेश्‍वर येथे परीक्षा केंद्र घेतल्यामुळे विद्यार्थ्यांना होणारा त्रास लक्षात घेवून शिवसेना शहरप्रमुख बिपीन बंदरकर यांनी परीक्षा केंद्र बदलण्यासाठी आग्रही भूमिका घेतली होती. आ. उदय सामंत यांच्या मार्गदर्शनाखाली शहर शिवसेना व युवा सेना यांच्यावतीने तातडीने औद्योगिक प्रशिक्षण केंद्र रत्नागिरी येथे धडक देण्यात आली.

आपले सरकार सेवा केंद्राचे तीन तेरा

E-mail Print PDF
रत्नागिरी ः शासनाच्या आपलं सरकार सेवा केंद्र या महत्वाकांक्षी उपक्रमाचे तीनतेरा वाजल्याचे चित्र आहे. जिल्हा परिषदेच्या ग्रा.पं. विभागाने या उपक्रमाकडे पार दुर्लक्ष केल्याचे ठेकेदार कंपनीकडून डेटा ऑपरेटरची अक्षरशः पिळवणूक केली जात आहे. कंपनी मात्र आपले पैसे नियमितपणे वसूल करीत आहेत. त्यासाठी प्रशासनाकडून ग्रा.पं.वर दबावही आणला जात आहे.
आपलं सरकार सेवा केंद्र या उपक्रमाद्वारे ग्रामपंचायतीची ऑनलाईन कामे केली जातात. विविध दाखले दिले जातात. ग्रामपंचायत अंतर्गत अन्य काम केले जाते. या कामासाठी राज्य शासनाने एका कंपनीला ठेका दिला आहे. राज्यभरातील ग्रा.पं.ला ही कंपनी संगणक, प्रिंटर्स, स्टेशनरी पुरवते. ग्रा.पं.ने डेटा ऑपरेटर नियुक्त करायचा, त्याचे वेतन ही कंपनी देते तसेच प्रशिक्षणाचा खर्च देते. या बदल्यात ही कंपनी प्रत्येक ग्रा.पं. कडून १२ हजार ८०० रुपये खर्च करते.

बंद करा.. बंद करा, बेकायदा मच्छिमारी बंद करा!

E-mail Print PDF
रत्नागिरी ः राज्य व केंद्र शासनाचे आदेश चांगले पण त्यांची येथील प्रशासनाकडून अंमलबजावणीच केली जात नाही. शासनाच्या आदेशाची पायमल्ली करून बेकायदशीर मच्छिमारीचा धुडगूस सुरूच आहे. अधिका़र्‍यांकडूनही त्याकडे जाणूनबुजून कानाडोळा केला जात आहे. ही बेकायदेशीर मच्छिमारी येत्या ८ दिवसात बंद करा, अन्यथा अखिल महाराष्ट्र मच्छीमार कृती समिती यापेक्षाही तीव्र आंदोलन हाती घेईल, असा इशारा अध्यक्ष खलिल वस्ता यांनी दिला आहे.
मिनी पर्ससीन व पर्ससीननेट मासेमारीमुळे मत्स्य व्यवसाय विभाग रत्नागिरी यांच्याविरोधात अखिल महाराष्ट्र मच्छीमार कृती समितीने १५ फेब्रुवारी रोजी जिल्हाधिकारी कार्यालयासमोर रास्तारोको व जेलभरो आंदोलन केले. त्यामध्ये मंडणगड, दापोली, गुहागर, रत्नागिरी, राजापूर येथून मोठया संख्येने पारंपरिक मच्छीमार सहभागी झाले होते. राज्याच्या जलधीक्षेत्रात १ जानेवारी ते ३१ ऑगस्ट या कालावधीत पर्ससीन जाळयाने मासेमारी करण्यास बंदी आहे. पर्ससीन व मिनी पर्ससीन नौकांद्वारे खुलेआम मासेमारी सुरू असल्याचे वस्ता यांचे म्हणणे आहे. बेकायदा मासेमारी करणार्‍या नौका जप्त करून बेकायदा मासेमारी रोखणे शक्य आहे. मात्र तशी कारवाई न करता मत्स्य विभागाच्या अधिकाऱयांचे जाणूनबुजून दुर्लक्ष सुरू असल्याचा आरोपही उपस्थित खलिल वस्ता, राष्ट्रीय कार्यकारिणीचे सदस्य रवीकिरण तोरस्कर यांनी केला आहे.
बेकायदा मासेमारी करणार्‍यांना अभय देवून बेकायदा सुरू असलेली पर्ससीन मासेमारी बंद करण्याकडे दुर्लक्ष होत आहे. केंद्र, राज्य शासनाचे सर्व आदेश, अधिसूचना, परिपत्रकांची पायमल्ली करून शेकडो पर्ससीन नौका एल.ई.डी.लाईटद्वारे विशेष आर्थिक क्षेत्रात घातक मासेमारी करत आहेत. तसेच राज्याच्या जलधी क्षेत्रात शेकडो मिनी पर्ससीन नौका बेकायदा मासेमारी करीत आहेत. या मासेमारीमुळे माशांचे मोठे साठे संपुष्टात येत आहेत. सागरी जैवविविधता नष्ट होवून सागरी पर्यावरण पूर्णपणे धोक्यात आले आहे. त्याचा प्रतिकूल परिणाम आताच जाणवू लागला आहे.
त्यासाठीच जिल्हाधिकारी कार्यालयावर मोर्चा काढून मच्छीमार कृती समितीच्यावतीने जेलभरो आंदोलन करण्यात आले. त्यावेळी खलिल वस्ता, रवीकिरण तोरस्कर यांच्यासह चंद्रकांत खले, पांडुरंग पावसे, गोपीचंद चोगले, संतोष नाटेकर, दिनेश कालेकर, हरेन कुलापकर, हरेश कुलापकर, सोमनाथ पावसे, सुरेश कुलापकर, राजेंद्र चोगले, भानू चोगले, मकबुल गावकरकर, विष्णू पाटील, गीता कालेकर, बाली खोपटकर, कलावती पावसे, कृष्णा कुलापकर, पुष्पा पावसे, वासुदेव कालेकर, दीपक पाटील यांच्यासह बहुसंख्येने मच्छिमारांचा सहभाग होता. कृती समितीच्या शिष्टमंडळाने निवासी उपजिल्हाधिकारी अजित घोरपडे यांना मागण्यांचे निवेदन दिले. त्यानंतर या आंदोलनात सहभागी झालेल्या मच्छिमारांना ताब्यात घेत जेलभरो अंतर्गंत पोलिसांनी कारवाई करून सोडून दिले.

जिल्हा बँकेचे २ हजार कोटींचे ठेवींचे उद्दीष्ट ः तानाजीराव चोरगे

E-mail Print PDF
रत्नागिरी ः रत्नागिरी जिल्हा मध्यवर्ती सहकारी बँक यंदाही आर्थिक प्रगतीचा नवा टप्पा गाठीत ३१ मार्चपर्यंत बँकेकडून २ हजार कोटींच्या ठेवींचे पाउल गाठेल, असा विश्‍वास बँकेचे अध्यक्ष डॉ. तानाजीराव चोरगे यांनी व्यक्त केला. रत्नागिरी जिल्हा मध्यवर्ती बँकेच्यावतीने डॉ. चोरगे यांनी गुरूवारी पत्रकार परिषद घेतली त्यावेळी ते बोलत होते. यावेळी बँकेच मावळते कार्यकारी संचालक अविनाश दिवाकर, संचालक दिपक पटवर्धन उपस्थित होते.

अपन तो तेरा हिरो असे म्हणणार्‍याच्या कानाखाली तरूणीने जाळ काढला

E-mail Print PDF
रत्नागिरी ः अपन तो तेरा हिरो, असे म्हणत नाटक संपल्यानंतर नटीला फूल देणार्‍या हिरोच्या कानाखाली जाळ काढल्यानंतर हिरोची व्हॅलेंटाईनची नशाच उतरली. रंगमंचाच्या विंगेमध्ये सत्कारासाठी आणलेल्या बुकेतील गुलाबाचे फूल काढून तू माझी व्हॅलेंटाईन असे सिनेस्टाईल नाटकातील नटीलाच प्रपोज मारणार्‍या हिरोची सर्वांसमोर चक्क पळताभुई थोडी झाली. विंगेतूनच कानफटात नटीने त्याला रंगमंचावर आणले आणि तिथेच त्याला धम्मक लाडू दिले. अखेर पुरते वस्त्रहरण झाल्यानंतर काही ग्रामस्थांनी मध्यस्थी करून त्याला सोडविले नाहीतर आणखी बाका प्रसंग ओढवला असता.

Page 6 of 3279