Tuesday, Nov 21st

Headlines:

रत्नागिरी

राज्यपाल, मुख्यमंत्री २७ रोजी दापोलीत

E-mail Print PDF
रत्नागिरी (प्रतिनिधी) - डॉ. बाळासाहेब सावंत कोकण कृषि विद्यापीठात २७ नोव्हेंबर ते १ डिसेंबर या कालावधीत २१वा राज्यस्तरीय आंतरविद्यापीठ क्रीडा महोत्सव आयोजित करण्यात आला आहे. या क्रीडा महोत्सवाच्या उद्घाटन कार्यक्रमाला राज्यपाल सी. विद्यासागर राव व मुख्यमंत्री देवेंद्र फडवणीस उपस्थित राहणार आहेत.
या क्रीडा महोत्सवासाठी राज्यातील इतर तीन कृषि विद्यापीठे आणि २० अकृषि विद्यापीठांमधील विद्यार्थी स्पर्धक सहभागी होणार आहेत. या क्रीडा महोत्सवात कब्बड्डी, खो-खो, व्हॉलीबॉल, बास्केटबॉल आणि ऍथलॅटिक्स या क्रीडा प्रकारांचा समावेश असणार आहे. याकरिता राज्यातून सुमारे २५०० स्पर्धक, ५०० संघ व्यवस्थापक, पंच, क्रीडा अधिकारी, विद्यार्थी कल्याण अधिकारी तसेच इतर ५०० अधिकारी व कर्मचारी उपस्थित रहाणार आहेत.
या क्रीडा महोत्सवाच्या उद्घाटन कार्यक्रमाला राज्यपाल व मुख्यमंत्र्यांसमवेत राज्याचे कृषिमंत्री पांडुरंग फुंडकर, शिक्षण मंत्री विनोद तावडे उपस्थित रहाणार असल्याचे विद्यापीठाकडून देण्यात आलेल्या प्रसिध्दी पत्रकात नमूद करण्यात आले आहे.

भाजपने शिवसेनेला लाभार्थीच्या जाहीरातीतही स्थान दिले नाही : सुप्रिया सुळे

E-mail Print PDF
रत्नागिरी (प्रतिनिधी) - शिवसेनेला सत्तेत असूनही किंमत नाही,सरकारमध्ये शिवसेना एवढी दुर्लक्षित आहे की भाजपने त्यांना लाभार्थीच्या जाहिरातीतही स्थान दिले नाही’,अशी टीका खासदार सुप्रिया सुळे यांनी केली आहे.
बुधवारी रत्नागिरीतल्या सावर्डे येथे पत्रकारांशी बोलताना त्यांनी ही टीका केली.‘शिवसेना ही कन्फ्युज पार्टी असून शिवसेनेने दोन्ही दगडावर पाय ठेवले आहेत. एकीकडे सत्तेमधील सर्व सोयींचा लाभ घ्यायच्या आणि दुसरीकडे विरोधकाची भूमिका घ्यायची’, ही भूमिका शिवसेनेने बदलावी असा सल्लाही त्यांनी यावेळी दिला. दरम्यान ,यावेळी बोलतान त्यांनी गुजरातमधील राजकारणावरही टीका केली, ‘गुजरातमध्ये अतिशय खालच्या पातळीवर राजकारण सुरू आहे. कुणाच्याही खासगी आयुष्यात डोकावण्याचा कोणालाही अधिकार नाही,असही त्या म्हणाल्या.

भोंदू पाटील बाबाच्या दोन सहकार्‍यांना अटक

E-mail Print PDF
रत्नागिरी (प्रतिनिधी) -झरेवाडी येथील भोंदू श्रीकृष्ण आनंद उर्फ पाटील बाबा तुरुंगाची हवा खात असतानाच बाबाचे अत्यंत जवळचे सहकारी अनिल मयेकर, संदेश पेडणेकर यांना डीवायएसपी गणेश इंगळे यांनी गुरूवारी रात्री अटक केली. आज त्यांना न्यायालयात हजर करण्यात येणार आहे.
श्रीकृष्ण पाटील बुवा याच्यावर जादूटोना प्रतिबंधक कायद्यासह भादंविक  ५०९, ५०६, ३४प्रमाणे गुन्हा दाखल करून त्याला अटक करण्यात आली होती. त्यानंतर बाबाची रवानगी तुरूंगामध्ये करण्यात आली आहे.
पाटील बाबाने अश्लील शिवीगाळ आणि दमदाटी केल्याची तक्रार पोलिसांकडे आल्याचे ग्रामीण पोलिसांनी कारवाई केली होती. या बाबाचे कारनामे सोशल मीडियावर उघडकीस आल्यावर अंधश्रद्धा निर्मूलन समितीने त्यामध्ये उडी घेत पीडित महिलेला न्याय मिळून देण्याचा विडा उचलला होता, रत्नागिरीजवळच्या ग्रामीण भागात या बाबाचे मोठे प्रस्थ आहे.
बाबाच्या कारनाम्यात बाबाला सहकार्य करणारे अनिल मयेकर, संदेश पेडणेकर (रा.काळबादेवी ) यांना  डीवायएसपी गणेश इंगळे यांनी गुरूवारी रात्री अटक केली. त्यांच्याकडून बाबाबाबत मठातील कारनाम्यांची माहिती बाहेर येण्याची शक्यता आहे.

सैतवडेतील ४ कुटुंबीयांना वाळीत टाकल्याप्रकरणी ४३ जणांना अटक

E-mail Print PDF
रत्नागिरी (प्रतिनिधी) - सैतवडे येथील चार कुटुंबीयांनी बौद्ध धर्माचा त्याग केल्याची खोटी माहिती पसरवून त्यांना वाळीत टाकल्याप्रकरणी वाडीतील ४३ जणांना बुधवारी जयगड पोलिसांनी अटक केली.
याबाबत मयुरेश सुरेश मोहिते (३०, रा. सैतवडे बलभीमवाडी, रत्नागिरी) यांनी जयगड पोलिसांकडे तक्रार दिली होती. त्यानुसार, सैतवडे बलभीमवाडी येथील सुहासन सुधाकर पवार याने मुयरेश मोहिते त्याचे काका आणि इतर तीन कुटुंबीयांनी बौद्ध धर्माचा त्याग केला असल्याची खोटी माहिती वाडीत पसरवण्यास सुरुवात केली होती. त्याच्या बोलण्यावर गावातील इतर ४२ जणांनी विश्‍वास ठेवून गाव सदस्यांनी ठराव घेत या कुटुंबांना वाळीत टाकले होते. दरम्यान, मयुरेश मोहिते यांच्या काकांचे निधन झाल्यावर या गाव सदस्यांनी त्यांच्या अंत्यविधीसाठीदेखील मज्जाव केला होता. तसेच मयुरेश समाज मंदिराबाहेर बसला असताना त्याला त्या ठिकाणाहून बाहेर काढण्यात आले होते.
वाळीत टाकल्याचा हा प्रकार दि. ५ ऑक्टोबर २०१२ पासून सुरू होता. या सर्व प्रकाराला कंटाळून अखेर मयुरेशने ९ नोव्हेंबर रोजी जयगड पोलिसांकडे तक्रार दिली होती.  याप्रकरणी बुधवार  १५  नोव्हेंबर रोजी  जयगड पोलिसांनी ४३ संशयितांना अटक केली. गुरुवारी न्यायालयात हजर केले असता न्यायालयाने त्यांना न्यायालयीन कोठडी सुनावली.

जिल्हा परिषदेच्या सेवेत नसताना कर्मचार्‍यांना ७ महिन्यांचे मानधन?

E-mail Print PDF
रत्नागिरी (प्रतिनिधी) - जिल्हा परिषदेच्या सेवेत नसतानाही तब्बल ८१ कर्मचार्‌यांचे सात महिन्यांचे सुमारे २ कोटी रुपयांचे मानधन काढल्याची धक्कादायक बाब समोर आली आहे. त्यामुळे यात एका बनेल समीकरणाचा ‘उदय’ झाला असल्याची चर्चा जि.प. भवनात  सुरू आहे.
ग्रामीण विकासाचे केंद्र जिल्हा परिषद विविध कारणांनी गाजतच असते. कारभार मोठा असल्याने नियमित विविध विषयांवरून वादाचेही प्रसंग घडतात. अनेकवेळा भ्रष्टाचाराची प्रकरणेही उघडकीस येत असतात. असाच एक प्रकार सध्या  जि.प. भवनात चर्चेचा बनला आहे.
वाडीवस्त्यांवर, दुर्गम भागात मुलांना शिक्षण मिळावे, या उद्देशाने वस्तीशाळा ही संकल्पना राज्यात १९९९-२००० दरम्यान अंमलात आली. या वस्तीशाळेवर बारावी उत्तीर्ण किंवा त्यापेक्षा जास्त शिक्षण घेणार्‍यांना तिथे निमशिक्षक म्हणून घेण्यात आले. त्यांच्यामार्फत शाळा सुरू करण्यात आल्या. सुरुवातीला त्यांना १ हजार रु. मानधनावर १० महिन्यांसाठी घेण्यात आले. अल्प मानधनावर जिल्ह्यात साधारण ९० शाळा सुरू झाल्या होत्या.
जास्त मानधन मिळावे यासाठी या निमशिक्षकांनी वस्तीशाळा संघटनेची स्थापना केली. त्यानंतर २०१६ पर्यंत त्यांनी शासनाबरोबर संघर्ष केला, आंदोलने केली. शेवटी शासनाने या वस्तीशाळा शिक्षकांना १ एप्रिल २०१६ पासून जि. प.च्या नियमित सेवेत घेण्याचा निर्णय घेतला.

Page 5 of 3208