Sunday, Feb 18th

Headlines:

रत्नागिरी

भरणे नाका येथे १५ हजारांची घरफोडी

E-mail Print PDF
खेड (प्रतिनिधी) ः भरणे नाका येथील कृष्णकुंज अपार्टमेंटमधील विलास पांडुरंग जाधव यांचा बंद फ्लॅट फोडून चोरट्यांनी १५ हजार रुपयांचा ऐवज चोरुन नेला. यामध्ये रोख रक्कम आणि दागिन्यांचा समावेश आहे. आठवडाभरात घरफोडीची ही तिसरी घटना असून, पाच दिवसांपूर्वी शाळा क्र. १नजीकच्या परिसरात चार घरफोड्या, दोन दिवसांपूर्वी महाडनाका येथे एक चोरी झाली आहे. घरफोड्या रोखण्यासाठी पोलिसांनी गस्त वाढवली आहे. तरीही चोरटे सापडत नसल्याने शहरात भीतीचे वातावरण आहे.

पश्‍चिम घाटापेक्षा शेतकर्‍यांच्या रोजीरोटीचा प्रश्‍न महत्वाचा : ना. नारायण राणे

E-mail Print PDF
narayan-raneरत्नागिरी (प्रतिनिधी) ः निसर्ग आम्हालाही हवा आहे. त्याचवेळी गरीब शेतकर्‍यांच्या रोजीरोटीचा प्रश्‍नही अधिक महत्वाचा आहे. पश्‍चिम घाट दर्जा घेऊन मिरवण्यापेक्षा पोटभर अन्न मिळणे गरजेचे आहे. त्यामुळे गाडगीळ आणि कस्तुरीरंगन समितीच्या अहवालाला आपला विरोधच असल्याचे उद्योगमंत्री ना. नारायण राणे यांनी पत्रकार परिषदेत सांगितले. पश्‍चिम घाट संरक्षणाच्या नावाखाली येथील सर्वसामान्य जनतेला उध्वस्त करण्यात येत आहे. विकास खुंटणारा हा अहवाल आम्हाला नकोच, असेही ना. राणे यावेळी म्हणाले.

कुवारबाव ग्रा.पं.चे एमआयडीसीकडून पाणी बंद

E-mail Print PDF
रत्नागिरी (प्रतिनिधी) ः शहरानजीकच्या कुवारबाव ग्रामपंचायतीला करण्यात येणार्‍या पाणीपुरवठ्यात एमआयडीसीने फारच कपात केली आहे. त्याचबरोबर गेल्या दोन दिवसांपासून एमआयडीसीकडून पाणीपुरवठाच न झाल्याने येथे राहणार्‍या ग्रामस्थांचे हाल होऊ लागले आहेत. एमआयडीसीकडून पाणीपुरवठा होत नसल्याने ग्रामपंचायतीमार्फत केला जाणारा पाणीपुरवठा अनिश्‍चित काळासाठी बंद राहणार असल्याचे कळवण्यात आले आहे. तालुक्यातील एमआयडीसीच्या हरचिरी धरणातील पाणीसाठा जवळजवळ संपल्याने एमआयडीसीने रत्नागिरी नगर परिषदेसह लगतच्या ग्रामपंचायतींच्या पाणीपुरवठ्यात कपात केली आहे.

मंडणगड आमसभेत तालुका न्यायालय उभारण्याचा ठराव

E-mail Print PDF
मंडणगड (प्रतिनिधी) ः आम. सुर्यकांत दळवी यांच्या उपस्थितीत २४वी आमसभा मंडणगड पंचायत समितीच्या श्रीकृष्ण सभागृहात पार पडली. या सभेमध्ये विकासाऐवजी अनावश्यक विषयांवर गोंधळ झाला. मागील आमसभेत झालेल्या ठरावाच्या कार्यवाहीचा आढावा खातेनिहाय घेण्यात आला. तालुका न्यायालयाचे काम लवकरात लवकर सुरु करण्याचा ठराव या आमसभेत करण्यात आला. पंचायत समिती सदस्य आदेश काणे यांनी ग्रामीण रुग्णालय, आयटीआय तसेच पंचायत समितीच्या बांधकाम विभागावर टीका केली. यावेळी उपसभापती रामदास रेवाळे आणि तालुक्यातील अधिकारी उपस्थित होते.

कोकण किनारपट्टीवर हायअलर्ट

E-mail Print PDF
रत्नागिरी (प्रतिनिधी) ः शस्त्रास्त्रांनी भरलेले पाकिस्तानी जहाज कोकण किनारपट्टीच्या दिशेने निघाल्याची माहिती गुप्तचर यंत्रणेला मिळाली.  त्यामुळे मुंबईसह कोकण किनारपट्टीवर हायअलर्ट जारी करण्यात आला आहे. महत्वाच्या ठिकाणी नाकाबंदी सुरु करण्यात आली असून, बंदरांमध्ये सशस्त्र पोलीस तैनात करण्यात आले आहेत. पाकिस्तानमधील एका शहरातून शस्त्रसाठा घेऊन एक जहाज भारताच्या किनारपट्टीवर येत आहे. ते मुंबईसह कोकणच्या किनारपट्टीवर येऊ शकते, अशी गुप्त माहिती गुप्तचर यंत्रणेला मिळाल्यानंतर गृह विभाग दक्ष झाला आहे.

Page 3133 of 3275