Tuesday, Nov 21st

Headlines:

रत्नागिरी

राज्यस्तरीय शालेय तायक्वॉंदो स्पर्धेसाठी खेळाडू रवाना

E-mail Print PDF
देवरूख ः अलबाग येथे होणार्‍या राज्यस्तीय शालेय तायक्वॉंदो स्पर्धेसाठी देवरूख नगरपंचायत तायक्वॉंदो क्लबचे सुवर्णपदक विजेते खेळाडू रवाना झाले. या खेळाडूंना माजी आमदार सुभाष बने, जि.प. सदस्य रोहन बने यांनी शुभेच्छा दिल्या.
क्रीडा व सुवर्ण संचलनालय महाराष्ट्र पुणे, रायगड जिल्हा क्रीडा अधिकारी कार्यालय अलिबाग यांच्यावतीने दि. १७ ते २० नोव्हेंबर या कालावधीत या स्पर्धा होणार आहेत. स्पर्धेसाठी सुवर्णपदक विजेते खेळाडू खुशी प्रल्हाद गायकवाड (साडवली, मीनाताई ठाकरे विद्यालय), वेदांत रविंद्र गिडये (ए. ए. पाध्ये हायस्कूल देवरूख), ऋषिकेश नंदकुमार कदम (आश्रमशाळा निवे) यांना व संघ व्यवस्थापक ओंकार गुरव यांना बने यांनी शुभेच्छा दिल्या.

चित्रकला स्पर्धेत रत्नागिरी तालुका राज्यात प्रथम

E-mail Print PDF
रत्नागिरी ः माझी कन्या भाग्यश्री महिला बालविकास विभागामार्फत जनजागृती प्रचार प्रसिद्धी योजनेंतर्गत झालेल्या राज्यस्तरीय चित्ररथ स्पर्धेत रत्नागिरी तालुक्याने राज्यात प्रथम क्रमांक पटकावला आहे. निबंध स्पर्धेत कु. अवंती पवार, पथनाट्य स्पर्धेत झरेवाडी शाळेने द्वितीय क्रमांक पटकावला आहे.
महिला व बालविकास विभागामार्फत माझी कन्या भाग्यश्री सुधारीत योजनेची अंमलबजावणी करीता प्रचार प्र्रसिद्धी करून या योजनेचा लाभ सर्वस्तरावरील बालकांना होईल व मुलींच्या जन्माचे प्रमाण वाढेल. याकरिता महाराष्ट्र शासनाने माझी कन्या भाग्यश्री योजनेद्वारे मुलींचा जन्मदर वाढविणे, त्यांचे संगोपन करणे, शिक्षण देणे, स्त्री-पुरूष समानता, महिला सक्षमीकरण करणे असे उपक्रम राबविले होते.

तीन अपत्ये असणारर्‍या अंगणवाडी सेविकांच्या नोकरीवर गदा

E-mail Print PDF
राजापूर ः तीन अपत्ये असणार्‍या अंगणवाडी सेविकांच्या नोकरीवर गदा येण्याची शक्यता निर्माण झाली आहे. स्थानिक स्वराज्य संस्थांवर आता शासनाने तिसरे अपत्य हा नियम अंगणवाडी सेविकांनाही लागू केला असून त्याची अंमलबजावणीही हाती घेण्यात आली आहे. दरम्यान राजापूर तालुक्यातील तीन अपत्ये असणार्‍या अंगणाडी सेविकांची माहिती संकलित करण्याचे आदेश गटविकास अधिकारी शिवाजीराव माने यांनी दिले आहेत.
वाढत्या लोकसंख्येला आळा घालण्यासाठी शासनाने काही धोरणात्मक निर्णय घेतला. स्थानिक स्वराज्य संस्थांमध्ये निवडणूक लढविणार्‍या उमेदवारांना तिसरे अपत्याला नियम सुमारे सतरा वर्षापूर्वी लागू केला आहे. त्यानंतर आता तिसरे अपत्य हा नियम अंगणवाडी सेविकांनाही लागू होणार आहे.

विषारी औषध प्राशन केलेल्या तरुणाचा मृत्यू

E-mail Print PDF
रत्नागिरी (प्रतिनिधी) - विषारी औषध प्राशन केलेल्या तरुणाचा उपचारादरम्यान कोल्हापूर येथे मृत्यू झाला.
समीर मोहन सुर्वे (३४, रा. सोमेश्‍वर, रत्नागिरी) असे मृत्यू झालेल्या तरुणाचे नाव आहे. समीरने राहत्या घरी अज्ञात कारणावरुन विषारी औषध प्राशन केले होते. त्याच्या नातेवाईकांनी त्याला तातडीने रत्नागिरी जिल्हा शासकीय रुग्णालयात उपचारासाठी दाखल केले होते. परंतु त्याची प्रकृती खालावल्याने त्याला अधिक उपचारासाठी कोल्हापूर येथे पाठवण्यात आले होते. उपचारादरम्यान त्याचा मृत्यू झाला.

दुचाकींची समोरासमोर धडक; दोनजण जखमी

E-mail Print PDF
रत्नागिरी (प्रतिनिधी) - दोन दुचाकींमध्ये समोरासमोर धडक होऊन झालेल्या अपघातात दोनजण जखमी झाले आहेत. याप्रकरणी एकावर पूर्णगड पोलीस ठाण्यात गुन्हा दाखल करण्यात आला आहे. अपघाताची ही घटना सोमवार दि. १३ नोव्हेंबर रोजी सकाळी ८.४५ वा. सुमारास कोळंबे फाट्यावर घडली.
मनिष पांडुरंग शिंदे (४२, रा. कोळंबे, रत्नागिरी) असे गुन्हा दाखल करण्यात आलेल्या दुचाकी चालकाचे नाव आहे. या अपघातात सुरेंद्र गजेंद्र ठिक आणि रविराज ठिक हे दोघे जखमी झालेले आहेत. सोमवारी सकाळी मनिष शिंदे आपल्या ताब्यातील पॅशन दुचाकी घेऊन रत्नागिरी ते कोळंबे असा जात होता. त्याच दरम्यान सुरेंद्र ठिक रविराजला घेऊन युनिकॉन या दुचाकीवरुन कोळंबे ते रत्नागिरी असा येत होता. हे दोन्ही कोळंबे पाटीलवाडी येथे आले असता त्यांची समोरासमोर धडक होऊन अपघात झाला.

Page 3 of 3208