Tuesday, Jan 23rd

Headlines:

रत्नागिरी

भीमा-कोरेगाव प्रकरणी रत्नागिरीत बहुजन क्रांती मोर्चाचे आंदोलन

E-mail Print PDF
रत्नागिरी ः द्विशताब्दी वर्षानिमित्त भिमा कोरेगाव रणसंग्रामातील शहिदांना सलामी देण्यासाठी जमलेल्या लोकांवर भ्याड हल्ला करण्यात आला. यातील दोषींना पाठीशी घातण्याचा प्रयत्न सुरू असल्याचा आरोप करत त्याच्या निषेधार्थ बहुजत क्रांती मोर्चा रत्नागिरीच्यावतीने नुकतेच जिल्हाधिकारी कार्यालयासमोर आंदोलन करण्यात आले.
याबाबत बहुजन क्रांती मोर्चाचे संयोजक बाळा कचरे यांनी माहिती दिली. १ जानेवारीला भीमा कोरेगांव येथे दरवर्षी क्रांतीस्तंभाला तसेच वढू येथील संभाजी राजांच्या समाधीला अभिवादन करण्यासाठी मोठ्या संख्येन समाजबांधव येत असतात. २०० वर्षे पूर्ण होत असल्याने देशभरातून लोकांचा महासागर लोटला होता. अशा वेळी शासनाने कायदा व सुव्यवस्था चोख ठेवणे आवश्यक होते. मात्र त्याकडे जाणिवपूर्वक दुर्लक्ष करण्यात आले. असा आरोप बहुजन क्रांती मोर्चाने केला आहे. त्यामुळेच विध्वंसक जातीयवादी शक्तींना दगडफेक व जाळपोळ करण्याची संधी मिळाली अशी दंगलसदृश्य परिस्थिती निर्माण झाली. या घटनेच्या पाठिमागचे मुख्य सुत्रधार असणारे संभाजी भिडे, मिलिंद एकबोटे यांना अटक करण्याचे सोडून पोलीस संरक्षणात त्यांचे नित्यक्रम सुरू आहेत असे भारत मुक्ती मोर्चाचे कोकण विभागीय अध्यक्ष आप्पासाहेब सोनावणे यांनी सांगितले.

राजेश सावंत आपल्या समर्थकांसह भाजपात दाखल

E-mail Print PDF
रत्नागिरी ः शिवसेनेचे माजी उपजिल्हाप्रमुख व रत्नागिरी नगर परिषदेचे माजी उपनगराध्यक्ष राजेश सावंत यांच्यासह शिवसेनेचे माजी नगरसेवक भैय्या मलुष्टे आणि पंचायत समितीचे माजी सदस्य नदीम सोलकर यांनी शिवसेनेला जय महाराष्ट्र करीत भाजपामध्ये प्रवेश केला आहे. मुंबईत झालेल्या या प्रवेश सोहळ्यामुळे रत्नागिरीच्या राजकारणात नव्या समीकरणांची मांडणी केली जाऊ लागली आहे.
या पक्षप्रवेश सोहळ्यामध्ये रत्नागिरीतील प्रसिद्ध डॉ. अभय धुळप, राजा हेगिष्टे, सुनील गझने, रामदास शेलटकर, दीपक मोरे, शरद पाटील, पिंट्या साळवी यांनी देखील भाजपाचा झेंडा हाती घेतला आहे. रत्नागिरीचे आमदार उदय सामंत यांचे एकेकाळचे खंदे समर्थक म्हणून ओळखले जाणारे राजेश सावंत यांनी काही दिवसांपूर्वी रत्नागिरीच्या उपनगराध्यक्ष पदाचा राजीनामा दिला होता. त्यानंतर राजेश सावंत कोणत्या पक्षात जातात, याविषयी राजकीय वर्तुळात चर्चा सुरू होती. अखेर राजेश सावंत भाजपात दाखल झाले असून त्यांच्यासोबत माजी नगरसेवक भैय्या मलुष्टे यांनी देखील भाजपामध्ये प्रवेश केला आहे.

पर्यटनाच्या विविध संधी उपलब्ध करून देण्यासाठी रत्नागिरी मँगो सिटी पर्यटन भरारी

E-mail Print PDF
रत्नागिरी ः रत्नागिरीत विकएंडला येणार्‍या पर्यटकांना पर्यटनाच्या विविध संधी उपलब्ध करून देण्यासाठी रत्नागिरीसह गणपतीपुळे येथे रत्नागिरी मँगो सिटी पर्यटन भरारी या नावाने पर्यटन क्षेत्रात काम करणारी मंडळी एकत्रितरित्या काम करणार आहे, अशी माहिती नगराध्यक्ष राहुल पंडित यांनी दिली.

मित्रानेच मित्राचा काढला काटा, आणखी एका संशयितास अटक

E-mail Print PDF
राजापूर ः तालुक्यातील गोठणे दोनिवडे येथील तरूणाच्या खूनप्रकरणी आणखी एका संशयिताला पोलिसांनी अटक केली आहे.
प्रमोद आत्माराम दळवी या २२ वर्षीय तरूणाच्या खुनाला चार वर्षानंतर वाचा फुटली. त्याच्या डोक्यात दगड घालून त्याचा खून केल्याच्या आरोपाखाली राजापूर पोलिसांनी आणखी एका संशयितास अटक केली आहे. विकास धुरी याच्यावर राजापूर पोलीस स्थानकात प्रमोद दळवी खून प्रकरणी भादंविक ३०२, २०१, ३४ अन्वये गुन्हा दाखल करण्यात आला असून त्याला अटक करण्यात आली आहे. या खून प्रकरणी सहा. पो. नि. रायसिंग पाटील व पो. नाईक अतुल ठाकूर यांनी मोठ्या कौशल्याने आपल्या सहकार्‍यांसह तपास केला.

भर समुद्रात खलाशांना विषबाधा, एकाचा मृत्यू

E-mail Print PDF
रत्नागिरी ः केरळ येथून मासेमारीकरिता आलेल्या अब्राहम-१ या मासेमारी नौकेतील खलाशांना खोल समुद्रात अन्नातून विषबाधा होवून एकाचा मृत्यू ओढवला. दरम्यान खोल समुद्रात असलेल्या या खलाशांना वाचविण्याकरिता तटरक्षक दलासह रत्नागिरी पोलिसांनी धाव घेतल्याने आठजणांचे प्राण वाचविण्यात यश आले आहे.

Page 1 of 3255

  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  Next 
  •  End 
  • »