Monday, Nov 20th

Headlines:

थंडीला प्रारंभ झाल्याने बागायतदारांत उत्साह

E-mail Print PDF
चिपळूण (प्रतिनिधी) - गेले चारपाच दिवस पडणार्‍या थंडीमुळे आंबा बागायतदारांच्या आशा पल्लवीत झाल्या आहेत. कडाक्याची थंडी पडायला लागल्यावर आंबा कलमांना मोहोर येण्यास प्रारंभ होतो.
गेले तीन चार दिवस सकाळच्या वेळी दाट धुके पडत असून, थंडीचा कडाकाही हळूहळू वाढत आहे. दिवसाही हवेत गारवा जाणवत आहे. असे वातावरण आंबा झाडांना मोहोर येण्यास उपयुक्त ठरते. त्यामुळे आंबा बागायतदारांत उत्साहाचे वातावरण आहे. आंबा बागायतीतील काही कलमे पालवली असून, काही कलमे पालवलेली नाहीत. त्यामुळे पालवलेल्या काळ्याभोर कलमांना मोहोर येण्याची शक्यता बागायतदारांतून व्यक्त होत आहे.