Monday, Nov 20th

Headlines:

दुचाकीची वृध्दाला धडक; तरुणाविरुध्द गुन्हा दाखल

E-mail Print PDF
रत्नागिरी (प्रतिनिधी) - बेदरकारपणे दुचाकी चालवून वृध्दाला धडक देत जखमी केल्याप्रकरणी रत्नागिरी ग्रामीण पोलीस ठाण्यात एकाविरुध्द गुन्हा दाखल करण्यात आला आहे. अपघाताची ही घटना सायंकाळी ४.३० वा. हातखंबा गणेशनगर येथे घडली.
जवानीलाल चोखालाल गाडी (२१, रा. हातखंबा, रत्नागिरी) असे गुन्हा दाखल करण्यात आलेल्या तरुणाचे नाव आहे. या अपघातात चिंतामणी केशव देसाई (८०, रा. शेवणेवाडी, हातखंबा, रत्नागिरी) हे किरकोळ जखमी झाले. जवानीलाल गाडी हे आपल्या ताब्यातील ऍक्टिव्हा दुचाकी घेऊन रत्नागिरी ते हातखंबा असे जात होते. त्याच सुमारास रस्त्याकडे चालत जाणार्‍या देसाईंच्या हातातील काठीला गाडीच्या दुचाकीची धडक बसली. त्यामुळे देसाई रस्त्यावर उताणी पडल्याने त्यांच्या डोक्याला मागील बाजूस किरकोळ दुखापत  झाली. याबाबत ग्रामीण पोलीस ठाण्यात गुन्हा दाखल करण्यात आला असून, अधिक तपास ग्रामीण पोलीस करीत आहेत.