Monday, Nov 20th

Headlines:

बलात्काराला विरोध करणार्‍या महिलेला पेटवले

E-mail Print PDF
खेड (प्रतिनिधी) - घरात एकट्याच राहणार्‍या विवाहितेने तिच्यावर होणारा बलात्काराचा प्रयत्न निर्धाराने उधळून लावताच चिडलेल्या तरुणाने तिच्या अंगावर रॉकेल ओतून तिला जिवंत पेटवल्याची संतापजनक घटना उघड झाली आहे. या प्रकरणी खेड पोलीस स्थानकात गुन्हा दाखल झाला असून, संबंधित आरोपीला पोलिसांनी अटक केली आहे.
खेड पोलिसांनी याबाबत सांगितले की, ही विवाहिता तिच्या घरात एकटीच राहते. त्याचा फायदा घेत आरोपीने तिच्यावर अत्याचार करण्याचा केलेला प्रयत्न या महिलेने उधळून लावला. यामुळे चिडलेल्या या तरुणाने तिच्या अंगावर रॉकेल ओतून तिला पेटवून दिले. पेटवल्यानंतर तिला तिच्याच घरात कोंडून ठेवले. तब्बल २० तास ही महिला भाजलेल्या अवस्थेत घरात पडून होती. दुसर्‍या दिवशी तिला नातेवाईक भेटण्यासाठी घरी आला असता हा प्रकार उघडकीस आला. लोकांनी या महिलेला उपचारासाठी कळंबणी रुग्णालयात दाखल केले आहे.