Monday, Nov 20th

Headlines:

कोतवडेच्या लाचखोर तलाठ्याला सक्तमजुरी

E-mail Print PDF
रत्नागिरी (प्रतिनिधी) - दोन वर्षांपूर्वी जमिनीची नोंद करून ७/१२ मिळवून देण्यासाठी अर्जदाराकडून २५ हजार रुपयांची लाच स्वीकारल्याप्रकरणी रत्नागिरी तालुक्यातील कोतवडे येथील सुनील गंगाराम मोहिते या तलाठ्याला न्यायालयाने ४ वर्षांची सक्तमजुरीची शिक्षा सुनावली.
प्रमोद दिनकर डांगे (रा. पुणे सातारा रोड, मु. पो. नीरा ता. पुरंंदर) यांनी तक्रार दिली होती. डांगे यांंनी कोतवडे येथे जागा खरेदी केली होती. तिची नोंद करून ७/१२ मिळवण्यासाठी तलाठी सुनील मोहिते यांच्याकडे अर्ज केला होता. यासाठी मोहिते यांनी डांगे यांच्याकडे २५ हजार रुपयांची लाच मागितली होती. लाच मागितल्यावर डांगे यांनी तक्रार दिली होती. त्यानुसार सापळा रचण्यात आला होता. त्यात २२ जुलै २०१५ रोजी  मोहिते २५ हजारांची लाच घेताना रंगेहाथ सापडला. त्याच्यावर गुन्हा दाखल करून लाचलुचपत प्रतिबंधकचे उपअधीक्षक सतीश गुरव यांनी दोषारोपपत्र दाखल केले होते.