Monday, Nov 20th

Headlines:

बिअर शॉपी बंद करण्यासाठी महिलांचे तहसीलदारांना निवेदन

E-mail Print PDF
चिपळूण (प्रतिनिधी) - मार्गताम्हाने हायस्कूल व ग्रामपंचायतींजवळ असलेली बिअरशॉपी बंद करण्यात यावी, अशी मागणी पालशेतकरवाडीतील चर्मकार महिला समाजाच्यावतीने करण्यात आली आहे.
मार्गताम्हाने बौध्दवाडी व चांभारवाडी येथे येणार्‍या रस्त्यालगत बिअरशॉपी आहे. बिअरशॉपीमध्ये येणारी मुले त्याचठिकाणी उभे राहून महिलांना लज्जा निर्माण होईल, असे वर्तन करीत असतात. रस्त्यालगत गाड्या पार्किंग करुन वाहतुकीस अडथळा निर्माण करतात. त्यामुळे बिअर शॉपीची परवानगी रद्द करण्यात यावी, अशी मागणी करणारे निवेदन पोलीस स्थानक व तहसीलदारांना देण्यात आले. यावर सौ. संगिता पालशेतकर, सौ. शुभांगी पालशेतकर, संजना पालशेतकर, सौ. रा.रा. पालशेतकर यांच्यासह सुमारे ३७ महिलांच्या स्वाक्षर्‍या आहेत. सोमवारी दुपारी याबाबतचे निवेदन तहसीलदार जीवन देसाई यांना देण्यात आले.