Tuesday, Jan 23rd

Headlines:

मासिक राशिभविष्य - जानेवारी २०१६

E-mail Print PDF
ramesh-mavalankar
mesh
rishabh
mithun
cancer
lion
kanya
tul
ruchik
dhanu
makar
kumbh
meen
रमेश बा. मावळंकर, ज्योतिषाचार्य, रत्नागिरी, मोबा. ९८६०८८६९९३

दर्जा वाढेल
मेष ः

या महात ग्रहराज रवि आपला दर्जा उंचावणारे आहेत. अवघड कार्यात यश लाभून आपण प्रसिध्दीचे झोतात याल. मात्र शनिमहाराज आपणााला सयम व धीर धरणेस सांगत आहेत. या महात असणारी गुरु राहु युती खर्चावर नियंत्रण ठेवणेची सूचना देत आहे. तसेच धाडसी मंगळ आपणाला तब्बेतीची काळजी घेणेस सांगत आहे. घरातील कलह वेळीच शांततेने थांबवावा. विवाहइच्छुंचे विवाह या महात जुळणेची शक्यता आहे. व्यापारी, कारखानदार व उद्योगपती यांना आर्थिक आवक अपेक्षित होईल. कलाकारांना उत्तम संधी प्राप्त होईल. नवीन वास्तू खरेदी योग आहे. स्वप्न दृष्टांत खरे होतील. सर्व प्रकारची सुखं प्राप्त होतील. तथापि आनंद संयमाने द्विगुणित करणे इष्ट होईल.

संपत्ती लाभ होईल
वृषभ ः
या महात वारसा हक्काने संपत्ती लाभ होणेची शक्यता आहे. अनेक उत्तम घटना घडवून आणणारा हा सप्ताह आहे. कलाकारांना उत्तम संधी लाभून किर्ती व प्रसिध्दी मिळेल. शासकीय व राजकीय क्षेत्रातील व्यक्तींना उत्तम दर्जा प्राप्त होईल. मात्र घरगुती समस्या निर्माण होणेची शक्यता असल्याने वेळीच दक्षता योग्य होईल. मित्र व नातेवाईक यांचे सहकार्य उत्तम लाभेल. कोर्टकचेरीचे निकाल आपल्या बाजूने लागतील. जमीन खरेेदी योग आहे. व्यापारी वर्गाला अपेक्षित अर्थप्राप्ती होईल. सुशिक्षित बेकारांना नोकरीची संधी चालून येईल. पदाचा वापर योग्य रितीने करणे इष्ट होईल.

शब्द जपून वापरावे
मिथुन ः

अखेर शब्द हे दुधारी शस्त्र आहे. ते जपून वापरणेच योग्य होईल. हा माह आर्थिकदृष्ट्या उत्तम असला तरी घरगुती समस्या वाढवणारा आहे. राहू मंगळ हे बलाढ्य ग्रह आपल्या कर्तृत्वाची व बुध्दीमत्तेची परीक्षाच घेणारे आहेत. तेव्हा आनंद संयमाने द्विगुणित करणे योग्य होईल. तब्बेतीची काळजी घेणेसाठी वेळीच बंधनात रहाणे योग्य होईल. नवीन वास्तूत प्रवेश होईल. कार्यात विघ्न आली तरी खचून जायचे नाही. धाडसाला कर्तृत्वाची व बुध्दिमत्तेची झालर लावून यश संपादन करायचेच. कलाकारांना उत्तम संधी मिळेल. राजकीय व शासकीय क्षेत्राबाहेरील व्यक्तींना यश व आर्थिक लाभ होतील. व्यापारी वर्गाला अपेक्षित अर्थप्राप्ती होईल.

यशस्वी व्हाल
कर्क ः

हाती घेतलेल्या अवघड कामात सहजपणे यश प्राप्त होऊन मानसिक स्वास्थ्य मिळेल. आपले कर्तृत्व, दातृत्व व नेतृत्व यांचं खर्‍या अर्थाने चीज होईल. मनोकामना पूर्ण करणारा हा महिना आहे. अपेक्षित अर्थप्राप्ती होईल. विवाहइच्छुंचे विवाह जुळतील. कलाकारांना प्रसिध्दी मिळेल. सरकारी क्षेत्रातील व्यक्तींची अपेक्षित ठिकाणी बदली होईल. खर्चावर नियंत्रण ठेवावे. नवीन व्यवसाय सुरु होईल. सर्वांचे सहकार्य उत्तम लाभेल. दूरचे प्रवास योग येतील. धाडस व बुध्दीमत्ता यांचं चीज होईल. व्यापारी वर्गाला अपेक्षित अर्थप्राप्ती होईल. राजकीय क्षेत्रातील व्यक्तींना उच्चपद लाभेल. हा महिना सुख, स्वास्थ्य व यश देणारा जाईल. काळ उत्तम आहे. नवीन संधीचा लाभ वेळीच घ्यावा.

मन शांत ठेवणे
सिंह ः

शनि महाराज जरी आपली परीक्षा घेणारे असले तरी साक्षात गुरुकृपा झाल्याने अडचणींवर मात करुन आपण प्रगतीचा वेग वाढवणार आहात. दुरचे प्रवास योग येतील. साधुसंतांचा सहवास लाभेल. मात्र अनाठायी खर्चावर नियंत्रण ठेवणे गरजेचे आहे. धाडस व कर्तृत्व पणाला लावून यश संपादन कराल. ग्रहराज रवि आपले व्यक्तिमत्व उजळवणारा आहे. सध्या आर्थिक गुंतवणूक न करणे इष्ट होईल. खाण्यापिण्यावर बंधने ठेवावीत अन्यथा घशाला त्रास होणेची शक्यता आहे. आर्थिक आवक अपेक्षित होईल. अचानक धनलाभ संभवतो. व्यापारी वर्गाला अपेक्षित अर्थप्राप्ती होईल. शक्यतो अलिप्त धोरण स्विकारावे हेच योग्य होईल.

शांत रहावे
कन्या ः

सध्या या महात ग्रहमान प्रतिकूल व अनेक विचारांचे, समस्यांचे, आर्थिक अडचणींचे आहे. तेव्हा माघार घेऊन व शांत राहून पुढे  जाणेच योग्य होईल. तब्बेतीची काळजी घेणे जरुरीचे आहे. अति दगदग त्रासदायक होईल. तूर्तास विवाह जुळवण्याचे काम दूर ठेवावे. सौम्य भाषाशैली ठेवणे गरजेचे आहे. मात्र शनिकृपेमुळे आर्थिक आवक अपेक्षित होईल. व्यवसायात वाढ होईल. स्थलांतर दर्शविते. वाहनापासुन सावध रहावे. व्यापारी वर्गाला अपेक्षित अर्थप्राप्ती होईल. घरगुती समस्या वाढवू नयेत. सरकारी क्षेत्रातील व्यक्तींनी वरिष्ठांची मर्जी सांभाळणे गरजेचे आहे.

सावध रहावे
तुळ ः

आपला विजयाकडे वाटचाल करणारा प्रगतीचा रथ थांबविणेची शक्यता आहे. सत्ता व पैसा हाती आला तरी संयम व सबुरी राखणे गरजेचे आहे. मंगळ, राहू हे बलाढ्य ग्रह आपल्या विरोधात आहेत. तथापि किर्तीदाता गुरु आपल्या पाठीशी खंबीरपणे उभा असल्याने काळजीचे कारण नाही. आपण आपले उत्कर्षाचे ध्येय गाठालच. मात्र वाहन व आर्थिक व्यवहार अत्यंत जपून करावे. सौम्य भाषाशैली ठेवावी. शब्दाला धार नसावी, आधार असावा. विवाहइच्छुंचे विवाह जुळतील. व्यापारी वर्गाला अपेक्षित अर्थप्राप्ती होईल. काळ सुखात जाईल.

प्रगतीत वाढ होईल
वृश्‍चिक ः

बुध्दीमत्तेला धाडसाची गरज असते. आता आपण मागे वळून पाहू नये असे वाटते. सर्व समस्या दूर होऊन नवीन व्यवसायात अगर नोकरीत उत्तम यश लाभणार आहे. आपल्या आर्थिक प्रगतीची घोडदौड सुरुच राहणार आहे. नवीन वास्तुत प्रवेश करणेस उत्तम काळ आहे. जुने आजार पुढे येणार नाहीत याची काळजी घ्यावी. अचानक धनलाभ संभवतो. मानसिक स्वास्थ्य लाभेल. विवाहइच्छुंचे विवाह जुळतील. सुशिक्षित बेकारांना नोकरीची संधी उपलब्ध होईल. सरकारी क्षेत्रातील व्यक्तींची अपेक्षित ठिकाणी बदली संभवते. राजकीय क्षेत्रातील व्यक्तींना उच्चपद संभवते. व्यापारी वर्गाला अपेक्षित अर्थप्राप्ती संभवते.

थांबा व पहा
धनु ः
काळोखातून जाताना जपूनच जावे लागते अन्यथा इजा होतात. या महात प्रतिकूल ग्रहमान असल्याने आर्थिक, घरगुती व व्यावसायिकदृष्ट्या त्रासाचे दर्शविते. तरी तूर्तास नवीन जबाबदार्‍या न स्विकारता माघार घेऊनच पुढे जाणे योग्य होईल. सरकारी व राजकीय क्षेत्रातील व्यक्तींनी सावधानतेने व काळजीपूर्वक निर्णय घेणे उचित होईल. तथापि किर्तीदाता गुरु आपणाला सौख्य व ऐश्‍वर्य देणारा आहे. तेव्हा काळजीचे कारण नाही. कार्यात विघ्न आली तरी डगमगून जाऊ नये. यश आपलेच आहे. मन शांत ठेवून थोरामोठ्यांच्या सल्ल्याने व्यवहार करणे योग्य होईल. तूर्तास मौनाने सर्व साध्य करता येते.

लाभ होईल
मकर ः
आपल्या निरपेक्ष बुध्दीच्या कार्याचा, लोकोपयोगी अवघड कार्याचा गौरव होऊन आपला दर्जा उंचावणार आहे. साक्षात अर्थदाता शनि व ग्रहराज रवि आपणाला यश, आर्थिक लाभ व किर्ती मिळवून देणारे आहेत. तेव्हा काळजीचे कारण नाही. स्वप्न, दृष्टांत खरे होतील. गुरु महाराज तब्बेतीची काळजी घेेणेची सूचना देत आहे. शासकीय व राजकीय क्षेत्रातील व्यक्तींना उच्चपद लाभेल. विवाहइच्छुंचे विवाह जुळतील. सुशिक्षित बेकारांना नवीन संधी उपलब्ध होईल. कलाकारांना नवीन क्षेत्रात पदार्पण करावे लागेल.

चीज होईल
कुंभ ः

आपण लोकसेवेच्या लावलेल्या रोपट्याचं आता झाड झालं आहे व त्याची फळं आपणालाच चाखायला मिळणार आहेत. कष्ट, जिद्द व चिकाटी यांना बुध्दिमत्तेची झालर लावल्यानेच आपणाला आता यश, किर्ती व आर्थिक लाभ होणार आहेत. आपल्या मनोकामना पूर्ण होणार असून, आपणाला खर्‍या अर्थाने स्वास्थ्य व सुख मिळणार आहे. आवक- जावक समान राहील. विवाहइच्छुंचे विवाह जुळतील. स्थलांतर दर्शविते. घरात उत्तम घटना घडतील. कलाकारांना उत्तम संधी मिळेल. काळ सुखात जाईल. व्यापारी वर्गाला अपेक्षित अर्थप्राप्ती होईल.

धीर धरावा
मीन ः
बहुतांशी बलाढ्य ग्रह आपली परीक्षा घेणारे आहेत. तेव्हा महत्वाचे व्यवहार गुप्त ठेवणे इष्ट ठरेल. मित्र व नातेवाईक यांचे सहकार्य मिळवण्याचे प्रयत्न करावेत. इस्टेटीचा व्यवहार तूर्तास दूर ठेवणे योग्य होईल. तब्बेतीची काळजी घ्यावी. शासकीय सेवेतील व्यक्तींनी वरिष्ठांची मर्जी संपादन करणे योग्य होईल. अनाठायी आर्थिक खर्चावर नियंत्रण ठेवावे. शक्यतो मनावर ताबा ठेवणे. जुने आजार पुढे येणार नाहीत याची काळजी घ्यावी. तथापि ग्रहराज रवि आपली बाजू खंबीरपणे सांभाळणेस समर्थ आहे. माघार घेऊन पुढे जावे.