Tuesday, Jan 23rd

Headlines:

मासिक राशिभविष्य - ऑक्टोबर २०१५

E-mail Print PDF
ramesh-mavalankar
mesh
rishabh
mithun
cancer
lion
kanya
tul
ruchik
dhanu
makar
kumbh
meen
रमेश बा. मावळंकर, ज्योतिषाचार्य, रत्नागिरी, मोबा. ९८६०८८६९९३

राजमान्यता मिळेल
मेष ः

गुरु म्हणजे साक्षात परब्रह्म. असे असताना आपणाला अवघड कार्यात यश व किर्ती, प्रसिध्दी लाभेलच. शासकीय सेवेतील व्यक्तींना उच्चपद संभवते. सुशिक्षित बेकारांना नोकरीची संधी उपलब्ध होईल. विवाहइच्छुंचे विवाह उत्तमप्रकारे जुळतील. तब्बेत उत्तम राहील. शत्रुंवर मात कराल. स्वजनांशी मिळतजुळत घेणे जरुर आहे. आर्थिक आवक अपेक्षित होईल. सुख व धनलाभ होऊन स्वास्थ्य लाभेल. कष्टाचं व कर्तृत्वाचं चीज होईल. काळ सुखात जाईल. व्यापारी वर्गाला अपेक्षित अर्थप्राप्ती होईल.

मात कराल
वृषभ ः

कर्तृत्व धाडसानेच सिध्द होते. अडचणींवर मात करुन पुढे जाल. सध्या केतु आपणाला उत्तम साथ देणारा आहे. सर्व प्रकारची सुख व ऐश्‍वर्य प्राप्त करुन देणारा आहे, तेव्हा चिंतेचे कारण नाही. नातेवाईक व मित्र यांच्याशी सौम्य भाषेत मिळतजुळत घेणे जरुर आहे. विवाहइच्छुंचे विवाह जुळतील. कलाकारांना संधी मिळून प्रसिध्दी मिळेल. आपली सच्चाई व निरपेक्षबुध्दीची लोकसेवा उपयुक्त होईल. घरात शांतता ठेवावी. इच्छापूर्ति होईल.

उत्कर्ष होईल
मिथुन ः

अखेर कुशाग्र बुध्दिमत्ता व निरपेक्ष सेवा यांचा फायदा होतोच, याची प्रचिती आपणाला येईल. नवीन योजनेत अपेक्षित अर्थप्राप्ती होईल. सर्व प्रकारची सुखं व ऐश्‍वर्य लाभेल. इच्छापूर्ति होईल. काळ सुखात जाईल. शत्रु मित्र बनतील. जुनी येणी वसुल होतील. तब्बेत उत्तम राहील. नवीन दर्जाची प्राप्ती होईल. कष्टाचं चीज होऊन स्वास्थ्य लाभेल. सरकारी व राजकीय क्षेत्रातील व्यक्तींना उच्चपद लाभेल. विवाहइच्छुंचे विवाह जुळतील. परदेशागमन होईल. अनेकांना नवीन नोकरीची संधी प्राप्त होईल. व्यापारी वर्गाला अपेक्षित अर्थप्राप्ती होईल.

भाग्य उजळेल
कर्क ः

पहाट झाली की उजाडतेच हा निसर्गनियम सत्य आहे. तसेच आपण आता भाग्योदयाच्या जवळ आला आहात तेव्हा भाग्योदय होणारच. आपले कष्ट व सच्चाई यांना योग्य तो न्याय मिळून स्वास्थ्य लाभेल. आर्थिक आवक वाढेल. विवाहइच्छुंचे विवाह जुळतील. अनेक प्रकारची सुखं व आर्थिक आवक अपेक्षित होईल. मुलाबाळांशी मिळतजुळत घ्यावे, मात्र पदाचा गैर उपयोग करु नये. महिलांना घरात चैनीच्या वस्तू खरेदी केल्याने आनंद व सुख प्राप्त होईल. सरकारी क्षेत्रातील व राजकीय क्षेत्रातील व्यक्तींना उच्चपद संभवते. यश व किर्ती मिळून काळ सुखात जाईल.

विचाराने वागावे
सिंह ः

चांगल्या शरीरात चांगले विचार असणे आवश्यक आहे. अचानक दुरचे प्रवास संभवतात. विचारपूर्वक महत्वाचे निर्णय घेणे जरुर व लाभदायक होईल. उष्णतेच्या विकारांपासून सावध रहावे. वाहन जपून चालवावे. शक्यतो शांत राहून यश पदरी पाडून घ्यावे. विवाहइच्छुंचे विवाह जुळतील. अनाठायी खर्चावर नियंत्रण ठेवावे. प्रतिष्ठित व्यक्तींकडून कार्याचा गौरव होईल. प्रत्येक महत्वाचे बाबतीत सावधानता बाळगावी म्हणजे भविष्यात सुखं लाभतील. घरातील कलह वाढवू नये. व्यापारी वर्गाला अपेक्षित अर्थप्राप्ती होईल.

समस्या दूर होतील
कन्या ः

बारीकसारीक ताणतणाव सोडले तर आपल्या अनेक समस्या दूर होणेच्या मार्गावर आहेत. आपण सध्या उत्कर्षाच्या लाटेवर आरुढ झालेले आहेत. तेव्हा यश, किर्ती व आर्थिक लाभ अपेक्षित होतीलच. विवाहइच्छुंचे विवाह जुळतील. सुशिक्षित बेकारांना नोकरीची नवीन संधी प्राप्त होईल. महिलांना वस्त्रलाभ व चैनीच्या वस्तू खरीदल्याने आनंद होऊन स्वास्थ लाभेल. मात्र वाहनापासून जपून रहावे. घरातील कलह वाढवू नयेत. अध्यात्मिकदृष्ट्या काळ उत्तम आहे. दैवी दृष्टांत होतील. शांत राहणे योग्य, कारण काळ आपल्या बाजुचा सुख देणारा आहे. व्यापारीवर्गाला अपेक्षित अर्थप्राप्ती होईल.

लाभ होतील
तुळ ः

साक्षात गुरुकृपा झाल्याने अनेक क्षेत्रात आघाडीवर रहाल. धनलाभ संभवतो. आरोग्य उत्तम राहील. नवीन योजना हाती घ्याल व त्या यशस्वी होतील. दुरचे प्रवास योग संभवतात. नवीन दर्जा प्राप्ती होईल. विवाहइच्छुंचे विवाह जुळतील. नवीन वास्तू प्रगतीपथावर राहील. वडिलोपार्जित इस्टेटीचा वाटा मिळेल. अनेक प्रकारची सुखं लाभतील व स्वास्थ्य लाभेल. मुलाबाळांच्या तब्बेतीकडे वेळीच लक्ष पुरवावे. शक्यतो बंधनात रहावे. व्यापारी वर्गाला अपेक्षित अर्थप्राप्ती होईल.

मन समाधानी ठेवावे
वृश्‍चिक ः

जे आपणाला मिळाले आहे ते देवाने आपल्यासाठीच ठेवले होते असे समजा व जे मिळाले नाही ते आपले नव्हतेच असे समजा व शांत रहावे. अखेर आपले जुने ते सोने होय. विचारपूर्वक निर्णय घेणे, जेणेकरुन उत्तरार्धात सुख प्राप्त होईल. आर्थिक आवक वाढेल. घरात उत्तम घटना घडतील. सामाजिक प्रतिष्ठा वाढेल. शासकीय सेवेतील व्यक्तींचा दर्जा वाढेल. धनलाभ दर्शवितो. भागिदारीत स्वतंत्र व्यवसाय शक्यतो करु नये. राजकीय क्षेत्रातील व्यक्तींच्या नवीन योजना सफल होतील. व्यापारी वर्गाला अपेक्षित अर्थप्राप्ती होईल.

मार्ग मिळेल
धनु ः

आपण शनिमहाराजांच्या साडेसातीच्या फेर्‍यात असलात तरी चिंतेचे कारण नाही. चुका झाल्या अगर मुद्दाम केल्या तर शनि कठोरतेने वागवतो अन्यथा सरळमार्गी व्यक्तीला काहीही करत नाही. धाडसी मंगळ, ग्रहराज रवि यांच्या आशिर्वादाने आपल्या समस्या दूर होऊन नवीन मार्ग सापडेल व आपणाला सौख्य लाभेल. इस्टेटीचे व्यवहार आपल्या बाजुनेच होतील. अचानक अर्थलाभ संभवतो. विवाहइच्छुंचे विवाह जुळतील. कलाकारांना उत्तम संधी प्राप्त होईल. बेकारांना नोकरीची संधी उपलब्ध होईल. व्यापारी वर्गाला अपेक्षित अर्थप्राप्ती होईल. काळ सुखात जाईल. खर्चावर नियंत्रण ठेवणे गरजेचे.

धनलाभ होईल
मकर ः

शनि हा अर्थदाता असून आपल्या राशीचा स्वामी आहे. त्याची कृपा आपल्यावर झाली असून, आपणाला स्वतंत्र व्यवसायात अपेक्षित अर्थप्राप्ती होणार आहे. अनेक नवीन योजना सफल होतील. शासकीय व राजकीय क्षेत्रातील व्यक्तींना उच्चपद मिळेल व मानप्रतिष्ठा वाढेल. सुशिक्षित बेकारांना नवीन नोकरीची संधी उपलब्ध होईल. महिलांना वस्त्रलाभ होईल. कलाकारांना उत्तम संधी प्राप्त होईल.  विवाहइच्छुंचे विवाह जुळतील. हातून चुका होणार नाहीत याची दक्षता घ्यावी. अनेक प्रकारची सुखं लाभतील. मित्र व नातेवाईक यांचे सहकार्य उत्तम लाभेल. जुनी येणी वसूल होतील. व्यापारी वर्गाचे व्याप वाढतील, अपेक्षित अर्थप्राप्ति होईल.

मन:शांती लाभेल
कुंभ ः

अपार कष्ट, निर्मळ मन व निरपेक्ष लोकसेवा यामुळे आपणाला आता दगदग कमी होऊन मानसिक सौख्य लाभणार आहे. मनातील विचार सत्यात उतरुन आपला जय होऊन आपली प्रतिष्ठा वाढेल. घरात उत्तम घटना घडतील. आर्थिक खर्चावर नियंत्रण ठेवणे गरजेचे आहे. विवाहइच्छुंचे विवाह जुळतील. आर्थिक आवक अपेक्षित होईल. प्रवास योग येतील. वरिष्ठांची मर्जी सरकारी नोकरांनी सांभाळणे योग्य होईल. व्यापारी वर्गाला अपेक्षित अर्थप्राप्ती होईल. अध्यात्मिक प्रगती होईल. अनपेक्षितपणे उत्तम घटना घडून स्वास्थ्य मिळेल.

प्रतिकूल ग्रह
मीन ः

सध्याचे ग्रहमान आपणाला प्रतिकूल व खडतर दर्शविते, अशा वेळी शांत राहून व माघार घेऊनच यश संपादन करणे योग्य होईल. मित्र व नातेवाईक यांचे सहकार्य उत्तम लाभेल. तब्बेत उत्तम राहील. मनावरील ताण कमी करुन समस्या सुटतील. घरगुती समस्या व वादविवाद समंजसपणे सोडवाव्यात. लवकरच आपल्या इच्छा पूर्ण होणार आहेत. श्रध्दा व सबुरी बाळगणेच योग्य व लाभाचे होईल. व्यापारी वर्गाने विचारपूर्वक आर्थिक गुंतवणूक करावी. विवाहइच्छुंनी काही काळ विवाह पुढे ढकलावा. विरोधकांना थंड विचारानेच तोंड द्यावे. यश आपलेच आहे.