Tuesday, Jan 23rd

Headlines:

तालिबान प्रमुखपदी मुल्ला मन्सूर याची नेमणूक वादग्रस्त

इस्लामाबाद - तालिबानचा प्रमुख मुल्ला ओमर याच्या मृत्यूनंतर त्याच्या जागेवर मुल्ला अख्तर मन्सूर याची नेमणूक करण्याबाबत अफगाण तालिबानच्या सर्वोच्च परिषदेशी (सुप्रीम कौन्सिल) सल्लामसलत करण्यात आलेली नव्हती आणि त्यामुळे त्याच्या जागी नवा नेता नेमला जाऊ शकतो, असे वृत्त प्रसारमाध्यमांनी दिले आहे.
तालिबान या दहशतवादी संघटनेचे नेतृत्व करण्यासाठी मुल्ला मन्सूर याची निवड करण्यात आली असली, तरी त्याला ’सर्व तालिबान्यांनी’ नेमलेले नसून हे शरिया कायद्याच्या विरुद्ध आहे, असे तालिबानच्या एका प्रवक्त्‌याने बीबीसीला सांगितले. संघटनेची प्रभावी अशी सर्वोच्च परिषद नवा नेता निवडण्याकरता बैठक आयोजित करेल असेही तो म्हणाला.