Tuesday, Jan 23rd

Headlines:

अमेरिकेतील वणव्यात महामार्गावरील मोटारी पेटल्या

वॉशिंग्टन - अमेरिकेतील दक्षिण कॅलिफोर्नियात लागलेल्या वणव्यात सुमारे ५०० एकर जंगलाची राखरांगोळी झाली असून, परिसरातून जाणाऱया महामार्गालाही या वणव्याचा फटका बसला आहे. महामार्गावर जवळपास २० मोटारींनी पेट घेतल्याची माहिती मिळाली आहे.
दक्षिण कॅलिफोर्निया ते लास वेगास दरम्यानच्या महामार्गाला या भीषण वणव्याची झळ बसली. वणव्यात महामार्गावरून जाणाऱया २० मोटारीत जळून खाक झाल्या. त्याचबरोबर ठिकठिकाणी वाहतूक मोठया प्रमाणात विस्कळीत झाली. आग विझविण्यासाठी विमानांचा वापर करण्यात येत आहे. दरम्यान, वेगाने पसरणाऱया वणव्यावर नियंत्रण मिळविताना प्रशासनाची दमछाक होत आहे.