Tuesday, Jan 23rd

Headlines:

स्टेट बँकेची महिलांसाठी सवलतीच्या दराने नवीन वाहनकर्ज योजना

मुंबई - स्टेट बँक ऑफ इंडिया‘ने महिलांसाठीच्या खास योजनेमध्ये वाहनकर्जावर सूट देणारी नवी ‘हर घर हर कार‘ नावाची योजना सादर केली आहे. स्टेट बँक ऑफ इंडियाने (एसबीआय) अलिकडेच नवीन योजना सादर केल्या आहेत. महिलांना बळ देऊन त्यांना सक्षम करण्याच्या हेतूने एसबीआयने अलिकडेच महिलांसाठी ‘हर घर‘ नावाची योजना आणली होती. या योजनेत गृहकर्जदरात ०.२५ टक्के सूट देण्यात आली होती. त्यामुळे महिलांना केवळ १० टक्के व्याजदराने गृहकर्ज उपलब्ध झाले होते. आता एसबीआयने या योजनेत सहभागी झालेल्या महिलांसाठी हर घर हर कार‘ ही योजनाही सादर केली आहे. या योजनेमध्ये महिलांना १० टक्के कर्जदराने वाहनकर्ज उपलब्ध करून देण्यात येणार आहे. या योजनेशिवाय वाहनकर्ज घेणार्‍या महिलांना १०.२५ टक्के व्याजदराने वाहनकर्ज उपलब्ध आहे.